Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Garzon, berriz akusatuen aulkian


2012-01-24 08:52

Frankismo garaiko delituak ikertzen saiatzeagatik epaituko dute gaurtik.

Auzitegi Gorenak berriz epaituko du gaur Baltasar Garzon, prebarikazioa egotzita, diktadura garaiko krimenak ikertzeko eskuduntzak bereganatzeagatik. Auziak polemika handia piztu du, eta nazioarteko hainbat juristak eta Giza Eskubideen hainbat elkartek babesa agertu diote Auzitegi Nazionaleko epaileari.

Garzonen aldeko plataformak elkarretaratzea deitu du 10:00etarako Gorenaren aurrealdean, epaiketa hasi baino ordu erdi lehenago, eta arratsaldean beste bat egingo du Puerta del Solen, epailea jazarpen politiko baten biktima dela salatzeko.

Amnistia Internazionalak eta Human Rights Watchek ordezkariak izango dituzte epaiketan, begirale moduan. Izan ere, Gorenaren erabakiak eragina izan lezake jurisdikzio unibertsaleko delituen beste hainbat prozesutan.

Joan den astean, Gorenak Gürtel auziko espetxeratuei legez kanpoko entzuketak egitea egotzita auzipetu zuen.

Gaurko kasuan, herri akusazioak (Manos Limpias muturreko eskuineko sindikatua eta Libertad e Identidad elkartea) 20 urtez gaitasungabetzea eskatuko dute. Garzonen aurkako auzi guztietan bezala, Fiskaltzak ez du akusaziorik aurkeztu, eta absolbitzea nahi du.



Informazio gehiago:Eitb: Garzon, berriz akusatuen aulkian

53 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin