Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Garraiolarien trebakuntzarako zentroa sortuko dute Lasarte-Orian


2012-02-27 13:55

Eusko Jaurlaritzaren arabera, titulu profesionalak eta homologatuak eskainiko ditu eta aurrerapausoa izango da garraio moderno eta iraunkorraren bidean.

Eusko Jaurlaritzak garraio sektorearen modernizazioa, profesionalizazioa eta iraunkortasuna sustatzeko konpromisoa hartu du Lasarte-Orian (Gipuzkoa) garraioaren inguruko trebakuntza, ikerketa eta garapena eskainiko dituen zentro baten sorkuntzarekin.

Gemma Zabaleta Enplegu sailburuak eta Iñaki Arriola Garraio sailburuak hitzarmena sinatu dute gaur Gasteizen zentro horren sorkuntza sustatzeko, izan ere, EAEko logistika sektorearen aspaldiko eskaria omen da.

Garraio Sailak agiri batean azaldu duenez, logistikaren eta garraioaren sektoreak bere baliabideekin hezi behar izan ditu profesionalak, tituluak homologatzeko aukerarik gabe askotan.

Egun, Lasarte-Orian INEMen zentro bat dago, eta bertan langabeei tren-merkantziei eta garraiolariei buruzko ikastaroak ematen dizkiete, baina zentro berria harago joango omen da.

Hori horrela, langabeei ikastaroak emateaz gain, ikasleei, enpresariei eta sektoreko langileei ere emango zaizkie.

Era berean, titulu profesional baliagarriak eta homologatuak eskainiko omen ditu eta aurrerapausoa izango da garraio moderno eta iraunkorraren bidean, Jaurlaritzaren arabera.

Garraiolarien



Informazio gehiago:Eitb: Garraiolarien trebakuntzarako zentroa sortuko dute Lasarte-Orian

109 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin