Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Garoñako zentrala 2013an itxiko dutela berretsi du Zapaterok


2011-03-30 11:41

Bestalde, Espainiako Gobernuko presidenteak adierazi du susperraldi ekonomikoa iraunkorra den arren, lanpostuak sortzea zaila izango dela.

Jose Luis Rodriguez Zapatero Espainiako Gobernuko presidenteak berretsi du Garoñako zentral nuklearra 2013an itxiko dutela, eta Espainian daude zortzi erreaktoreen segurtasun sistemak berrikusi egingo dituztela iragarri du.

Zapaterok Diputatuen Kongresuan egin ditu adierazpenok. Joan den astean Europako Batzordeak egindako bileraz informatzeko egin du agerraldia.

Bilera horretan, Bruselak neurri-sorta adostu zuen Europako zentral nuklearren egoera zehazteko.

Horren ildotik, Gobernuak jada abiatu du zentralen berrikuspen prozesua. Balizko lurrikaren ondorioak eta uholde arriskua neurtzeko ikerketa aginduko du, kostaldean zentral bakar bat badago ere.


Susperraldi ekonomikoa geldoa izango da

Bestalde, Zapaterok ohartarazi du susperraldi ekonomikoa iraunkorra bada ere, lanpostuak sortzeak kosta egingo duela eta prozesua geldoa izango dela.

Hitzaldian, Zapaterok azaldu du azken adierazleek erakusten dute susperraldiak aurrera jarraitzen duela, lanpostuak sortzeko erritmoa nahiko ez bada ere.

Gobernuburuaren hitzetan, oraindik asko dago egiteke, eta erreformekin jarraitzeko eskatu du.

Bere aldetik, Mariano Rajoy PPko buruak adierazi du Espainiako krisia gainerako herrialdeena baino handiagoa bada Zapaterok sortzen duen konfiantza ezaren ondorio dela.



Informazio gehiago:Eitb: Garoñako zentrala 2013an itxiko dutela berretsi du Zapaterok

68 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin