Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Garitanok argitu du ez zuela biktimen bereizketarik egin nahi izan


2011-08-23 09:40

Biktimak ez dituela jatorriagatik sailkatuko ere esan du. Gipuzkoako ahaldun nagusiak zenbait buruzagi politikoren kritikei erantzun nahi izan die.

Martin Garitano Gipuzkoako ahaldun nagusiak azpimarratu du ez zuela biktimen bereizketarik egin nahi izan, ezta jatorriagatik sailkatu ere, iragan ostiralean Kataluniako unibertsitatea batean eman zuen hitzaldian.

Horixe esan du Garitanok El Diario Vasco egunkarian egin dioten elkarrizketa batean.

Garitanok Universitat Catalana d?Estiuren ikastaro batean eman zuen hitzaldia pasa den ostiralean, eta bertan ETAk Katalunian egindako atentatuak akats larria izan zirela eta ezker abertzaleak Kataluniako biktimei errespetu berezia zor diela esan zuen.

Adierazpen horiek ia alderdi politiko guztien kritikak jaso dituzte.

PSOEk Garitanoren kontrako zentsura-mozioa aurkez dezakeela iradoki du, eta Soraya Saenz de Santamaria PPko bozeramaileak jakinarazi zuen babestu egingo lukeela. EAJk, berriz, Garitanoren premiazko agerraldia eskatu du Gipuzkoako Batzar Nagusietan azalpenak eman ditzan. Era berean, Auzitegi Nazionaleko Fiskaltzak ohartarazi du Garitanoren hitzaldiak zaintzen ari dela.

Garitanok aipatu egunkariari azaldu dionez, EAk, Aralarrek eta Alternatibak sinatu zuten Gernikako akordioaren txostena defendatu zuen hitzaldian, eta bertan biktima guztien errekonozimendua babestuko dutela jasotzen da.

Era berean, biktima kataluniarren, murtziarren edo beste nonbaitekoen artean bereizketarik ez zuela egin azpimarratu du eta testuinguruan kokatu ditu adierazpenak, izan ere, Hipercorreko atentatuaren biktima baten senideak galdetu zion ea akatsa iruditzen zitzaion eraso hura, eta Garitanok akats larria izan zela erantzun zion.

Martin



Informazio gehiago:Eitb: Garitanok argitu du ez zuela biktimen bereizketarik egin nahi izan

95 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin