Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Garaikoetxea: Frankismoa gaitzetsi ez eta terrorista deitzen digute


2011-06-14 10:14

Bilduk ETAren desagerpena exijitu behar duela eskatzea kritikatu du lehendakariak, agerian uzten duelako alderdi batzuen lanerako argumentu bakarra hori dela.

Carlos Garaikoetxea lehendakariak gogor kritikatu du ohorezko presidente gisa ministro frankista bat duen eta diktadura garaiko krimenak gaitzetsi ez dituen alderdi batek haiei terrorista deitzea Bildukoak izateagatik. Izan ere, Gernikako adierazpena sinatu zutenean indarkeria amaitzeko aldarrikatu zutela gogorarazi du.

Radio Euskadin egin dioten elkarrizketa batean, Garaikoetxeak gogor kritikatu ditu Bilduk ETAren historia gaitzetsi behar dutela diotenak, agerian uzten baitu alderdi batzuen lanerako argumentu bakarra hori dela.

Gainera, alkateen eta beste batzuen kargu hartzeetan bakerako eta adiskidantzarako borondatea erakutsi dutela azpimarratu du, nahiz eta hedabideek beste gauza batzuk islatu, Elorrioko istiluen harira.

Argi dago ez nintzela eroso sentitu (Elorrion gertatutakoarekin), baina Cospedalek eta gertuagoko beste batzuk esan dizkiguten astakeriekin alderatuta, ez zait erokeria iruditzen PPren ordezkari bat ultraeskuindarra dela esatea, adierazi du Garaikoetxeak. Espainiako eta Euskal Herriko zenbait hedabidek iraindu egin dituzte Bilduren 300.000 boto-emaileak terroristen oinordekoak garela esanez; adierazpen horiek kereila kriminalak jasotzeko modukoak izan dira, gaineratu du.

NaBai eta Aralar

Nafarroari dagokionez, NaBaik eta Aralarrek izan duten jokaera gaitzetsi du, ez baitzituzten indarrak batu nahi izan ezker abertzalearekin hitz egin nahi genuelako. Gainera, Aralar kritikatu du orain EAEn itunak eskatzen dituelako, komeni zaionean, zitala da politika.

AHT

Abiadura Handiko Trenari dagokionez, EAren militanteak esan du koalizioak desadostasun asko dituela proiektuaren inguruan: Lehena, herrialde mailakoa, izan ere, Y izan beharrean U bat izan beharko litzateke, Iruñearekin lotzeko. Gainera, merkantzien garraiorako ere egokitu beharko litzateke eta ingurugiroan hobekuntzak ere proposatuko ditugu.

Carlos



Informazio gehiago:Eitb: Garaikoetxea: Frankismoa gaitzetsi ez eta terrorista deitzen digute

261 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin