Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gallizok dio legez kanpo dauden presoek ez dutela onurarik izango


2011-10-04 13:55

Bestalde, Fiskalen Elkarte Profesional eta Independenteak gogor kritikatu ditu atzo Juan Calparsoro EAEko fiskal nagusiak egindako adierazpenak.

Mercedes Gallizo Estatuko kartzelen idazkari nagusiak gogorarazi du kartzela-sistemak legea bete besterik ez duela egiten, eta hortik kanpo ez dagoela ezer, ETAko presoek jaso ditzaketen onuren harira.

Gallizok azpimarratu duenez, Legearen barruan dago dena eta hortik kanpo ezer ere ez, hori da egin dezakedan adierazpen bakarra.

Atzo, Francisco Caamaño Justizia ministroak esan zuen legea eskuetan Patxi Lopez lehendakariak egindako proposamena aztertuko dutela. Lehendakariak ETAko presoak Euskal Herrira eramatea proposatu zuen, baina ETAk armak uzten dituenean.

Denok desio duguna lortu beharra dugu: armak behin betiko uztea. Puntu horretara iritsita, biktimen eskubideak eta Justizia auzitegien ebazpenak errespetatuz, orduan hasiko ginateke agertoki berrian har ditzakegun neurriak aztertzen, adierazi zuen Caamañok.

Juan Calparsoro EAEko fiskal buruak, bere aldetik, Justiziak ETAk emandako pausoa aitortzen jakingo zuela esan zuen atzo.

Fiskalen erreakzioa

Fiskalen elkarteek gogorarazi dute Ministerio Publikoaren ordezkariek legeak xedatutakoa errespetatu eta aplikatu behar dutela. Adierazpen horiek Euskadiko fiskal nagusi Juan Calparsorok ETAri, desagertzen bada, justizia eskuzabala izango dela esan ostean egin dituzte.

Eragile juridikoak gara eta, legea aldatzen ez den artean, aplikatu egin behar dugu, gogorarazi du Fiskalen Elkarte Profesional eta Independentearen Elkarteko Lucia Gironek.

Bestalde, Fiskalen Elkarte Aurrerakoiaren bozeramaileak, Maria Moretok, balorazio bera egin du adierazpen horiei buruz baina, zehaztu duenaren arabera, Calparsororen hitzak ETAri asmo onen aitorpen bat eskatzera bideratuta daude.



Informazio gehiago:Eitb: Gallizok dio legez kanpo dauden presoek ez dutela onurarik izango

36 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin