Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gaitz arraroak artatzeko sail berezia abian jarriko du Osakidetzak


2011-06-20 18:23

Euskadi mailako unitate horrek lurralde bakoitzean azpi-unitateak izango ditu

Eusko Jaurlaritzak gaitz arraroei buruzko unitate berezia izango du. Eusko Jaurlaritzeko Osakidetzako arduradunek Eusko Legebiltzarreko Osasun batzordean egin dute iragarpena. Gaur egun, osasun zerbitzuetan tratamendu egokia ez duten gaitzei bideratuta egongo da.

10.000 biztanleko 5 kasu baino gutxiago azaltzen direnean gaitz arraro bati buruz ari gara. 6000 bat gaixotasun daude orotara  eta munduko herritarren % 7ari eragiten die. Horietako batzuk, Euskal Herrian bizi dira. Eta behar duten zerbitzua izan dezaten, sail berezia osatuko du Jaurlaritzak.

Gaur egungo baliabideekin, laguntza nahikoa ez duten gaitzei zuzenduta dago unitate hori. Euskadin kasu bakarra azaldu denerako edo kasu bat bera ere ez dagoen gaitzei zuzenduta osatuko dute. Etor litekeenari, aurre egiteko.

Euskadi mailako unitate horrek lurralde bakoitzean azpi-unitateak izango ditu. Espezialistak eta famili medikuen artean koordinazioa hobetu nahi du Osakidetzak.

Aurrikusi dituen neurri sorten artean ere badago, gaitz arraroen ikerketarako diru-laguntzak handitzea, gaixo horien beharrei buruz ikerketa egitea edota zaintzaileen laguntza psikologikoa indartzea.


Erreferentzia saila

Besteak beste, gaixoak EAEtik kanpo artatuak izan behar direnean sail horrek hartuko du erabakia; halaber, gaixoak zaintzen dituzten euskal zientzilariei laguntza emango die sailak, eta Estatuko erreferentzia zentroarekin harremanak mantenduko ditu.

Bestalde, beste hiru unitate sortuko dituzte lurralde bakoitzean gaixotasun arraro horiek jasaten dituzten gaixoen diagnostikoa, tratamendua eta gaixotasunaren jarraipena bermatzeko, baina EAEko erreferentziazko unitatera joan gabe.



Informazio gehiago:Eitb: Gaitz arraroak artatzeko sail berezia abian jarriko du Osakidetzak

45 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin