Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Fukushimako 6 erreaktoreetan argindarraren kableak jartzea lortu dute


2011-03-23 00:36

- Langileak elektrizitatea berrezartzeko lanetan ari dira.

- Erradioaktibitate maila altua atzeman dute itsasoan.

- Erreplika indartsuak izan dira Japoniako ipar-ekialdean.

Fukushimako zentral nuklearreko langileek argindarraren kableak sei erreaktoreetaraino eramatea lortu dute.

 Tokio Electric Powerrek (TEPCO) elektrizitatearen kableak 3 eta 4 erreaktoreetan instalatu ditu goizaldean. 1, 2, 5 eta 6 erreaktoreetan aurretik ipinita zituzten. 

Erreaktoreei ura botatzen

Argindarra berrezartzeko ahaleginetan ari diren bitartean suhiltzaileek  3. erreaktorera ura botatzeko lanei ekin diete. Erreaktore hori da lurrikarak gehien kaltetu duena eta ingeniariei kezka gehien sortarazi diena.

Atzo kea hasi zen bertan eta badaezpada langileak ebakuatu eta lanak bertan behera utzi zituzten zenbait orduz.

TEPCOk esan duenez, 2. eta 3. erreaktoreei darien kea lurruna da ziurrenik. Erradiazio maila ez dela areagotu gaineratu du eta hortaz ez omen du langileentzako arriskurik suposatzen.

Erradiazio maila altua itsasoan

Astelehenean egindako neurketen arabera erradiazio maila altua atzeman dute itsasoan, Fukushimako zentraletik gertu dauden uretan.

  Japoniako agintariek itsasoaren kutsadura neurtzeko probak gehitu dituztela adierazi du Energia Atomikoaren Nazioarteko Erakundeak eta zientzialari japoniarrak gaur eta bihar artean zortzi toki desberdinetako kalitatea neurtuko dute. 

Azterketa horien emaitzak ostegunean ezagutuko dira.

Partikula erradiaktiboak Islandian

Diplomazia iturrien arabera Islandian partikula erradioaktibo kopuru txikiak atzeman dituzte, baina osasunerako arriskurik ez duela suposatzen adierazi dute.

Erreplika gogorrak

Richter eskalan 6 graduak gainditu dituzten erreplikek Japoniako ipar-ekialdea astindu dute berriro. Azkena Fukushima-1 zentraletik gertu jazo da, baina ez dira kalte pertsonalik sortu.

Azken lurrikarak 6,6 graduko maila izan du eta epizentroa itsasoan kokatu da Honshuko kostatik gertu.

Joan den martxoaren 11ko lurrikara indartsuaz geroztik 600 bat erreplika izan dira Japonian.

Azken datu ofizialen arabera, 9.199 pertsona hil dira eta 14.000 desagertuta daude, Poliziako Agentzia Nazionalaren arabera.

9.000



Informazio gehiago:Eitb: Fukushimako 6 erreaktoreetan argindarraren kableak jartzea lortu dute

89 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin