Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Fukushimako 6 erreaktoreetan argindarraren kableak jartzea lortu dute


2011-03-22 17:00

- Langileak elektrizitatea berrezartzeko lanetan ari dira.

- Erradioaktibitate maila altua atzeman dute itsasoan.

- Gutxienez 9.079 pertsona hil dira eta 12.645 desagertuta daude.

Fukushimako zentral nuklearreko langileek argindarraren kableak sei erreaktoreetaraino eramatea lortu dute.

Azken orduetan Tokio Electric Powerrek (TEPCO) elektrizitatearen kableak 3 eta 4 erreaktoreetan instalatu dituzte. 1, 2, 5 eta 6 erreaktoreetan ipinita zituzten aurretik. 

Baina argindarra berrezarri aurretik sistema guztia berrikusi behar dute eta material elektrikoa ongi dagoela frogatu ondoren 2. erreaktorearen ur-ponpa martxan ipintzeko asmoa dute.

Ura botatzen jarraitzen dute

Bitartean suhiltzaileek 3. erreaktoreari ura botatzeko lanei ekin diete. Erreaktore hori da lurrikarak gehien kaltetu zuena eta ingeniariei kezka gehien sortarazi diena.

Atzo kea hasi zen bertan eta badaezpada langileak ebakuatu egin behar izan zituzten.

TEPCOk esan duenez, 2. eta 3. erreaktoreei darien kea lurruna da ziurrenik eta erradiazio maila areagotu ez denez langileentzako ez duela arriskurik suposatzen adierazi du.

Japoniako Gobernuak ebakuazio eremua zentralaren inguruko 20 kilometroko erradioan mantenduko du, 20-30 kilometroko eremuan bizi diren herritarrei etxeetatik ez irteteko eskatu die eta ateak eta leihoak ixteko.

Erradiazio maila altua atzeman dute itsasoan

Itsasoan erradiazio maila altua atzeman dutela onartu du Tokioko elektrizitate konpainiak.

Itsasoko ura aztertzeko probak gehitzeko eskatu die Japoniako Gobernuak hainbat agentziari.

Biktimen balantzea

Azken datuen arabera 9.079 dira hondamendiaren ondorioz hildakoak eta 12.645ek desagertuta jarraitzen dute.

Gutxienez



Informazio gehiago:Eitb: Fukushimako 6 erreaktoreetan argindarraren kableak jartzea lortu dute

96 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin