Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Frantziako bankuak erregulatzea bultzatuko du Hollandek


2012-01-23 13:02

Hautagai sozialistak Batasuneko buruzagiei Europako kalifikazio agentzia bat eratzea proposatuko duela esan du. gainera, erretiroa hartzeko adina 60 urtera jaitsiko duela zin egin du.

François Hollande Frantziako presidentetzarako hautagai sozialistak bere etsai nagusia finantza mundua dela esan du 25.000 jarraitzaileen aurrean egin duen agerraldian, Parisen.

Aurretik dudan borrokan, nire etsai nagusiak ez du izenik, ez aurpegirik ezta alderdiik ere. Ez da inoiz hautatua izan, baina bere arauek dena markatzen dute. Nire etsaia finantza mundua da, adierazi du.

Hollandek hauteskundeak irabaziko balitu, finantzak erregulatuko lituzkeela esan du, orain arte ez G-20ko buruzagiek, ezta Sarkozyk ere bete ez duten hitza.

Gainera, batasuneko buruzagiei Europako kalifikazio agentzia bat eratzeko beharraz hitz egingo diela esan du, AEBetakoei aurre egiteko euroaren krisiaren testuinguruan.

Aurretik egindako beste proposamen batzuk gogoratu ditu Hollandek, hola nola, bankuen gordailatze jarduerak eta inbertsioarenak banatzea, inbertsiorako banku publiko bat sortzea eta Frantzian dauden enpresei laguntzak ematea.

Boto asmoaren inguruko inkesta batek lehengo astean argitaratu zuenez, Hollandek irabaziko lituzke presidentzialak lehen itzulian bozen %27 eskuratuta. Sarkozy bigarren geldituko litzateke, bozen % 23rekin eta hirugarren Le Pen, bozen % 21ekin.

Hauteskundeetarako lehen itzulia apirilaren 22an izango da eta ostegun honetan egingo duen agerraldian, Hollandek neurri zehatzagoak iragarriko dituela esan du.

Maiatzaren 6an presidente bilakatzen bada, segituan Berlinera joango dela esan du Hollandek, Angela Merkelekin Europako politikaren bidea aldatzea eskatzelko, hau da, soilik zorroztasunera bideratutako politikatik hazkundearen aldekora aldatzeko.

Gainera, Presidentearen soldata % 30 gutxituko duela esan du, erretiroa hartzeko adina 60 urtera jaitsiko duela, industria ezartzeko banku bat eratuko duela eta diru-sarrera gehien dituztenek zerga gehiago ordaintzea defendatuko duela zin egin du.


François



Informazio gehiago:Eitb: Frantziako bankuak erregulatzea bultzatuko du Hollandek

79 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin