Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Fiskaltzak Rafa Diez kartzelatzea eskatu du


2011-09-19 12:39

LABen idazkari nagusi ohiak esan du ez duela ihes egingo eta bere bakearen alde eta irtenbide demokratikoak bilatzeko lan egingo duela hitz eman du. ANk ebazpena jakinarazi die auzipetu guztiei.

Fiskaltzak Rafa Diez Usabiaga LABen idazkari nagusi ohia kartzelatzea eskatu du. Iragan ostiralean Bateragune auziaren ebazpena eman zuen Auzitegi Nazionalak eta 10 urteko kartzela-zigorra ezarri zion Diezi, baina horrek behin behinean aske jarraitzea eskatu du, ez duela ihes egingo argudiatuta.

Voces contra el Terrorismo herri-akusazioak ere Diez kartzelatzea eskatu du eta Iñigo Iruin defentsa abokatuak 2010ean ezarritako bermepeko askatasunari eustea exijitu du.

Diezek azken hitza eman diotenean azaldu duenez, inoiz ez da ETAko kide izan eta are gutxiago buruzagi. Aske jarraitzen badu ez duela ihes egingo hitz eman ondoren, honakoa adierazi du Diezek: Herriaren alde, bakearen alde eta irtenbide demokratikoak bilatzeko lanean jarraituko dut.

Zigorrak jakinarazi ditu

Auzitegi Nazionalak zigorrak jakinarazi dizkie gaur Arnaldo Otegi Batasunaren bozeramaile ohiari, Rafa Diez Usabiaga LABen idazkari nagusi ohiari eta Bateragune auziagatik zigortutako gainerako auzipetuei, epaitegiko iturriek jakitera eman dutenez.

Angela Muriilo, Teresa Palacios eta Juan Francisco Martel epaileek, aipatu auzipetuez gain, Miren Zabaleta eta Arkaitz Rodriguez ere deitu dituzte zortzi urteko kartzela-zigorra ezarri dietela jakinarazteko. Sonia Jacintori ere zigor bera jarri zioten, baina dagoeneko jakinarazi diote eta kartzelan dago. Auzitegi Nazionaleko ziegan jaso dituzte zigorra Otegik, Zabaletak eta Rodriguezek.

Gainera, absolbituta geratu ziren hiru auzipetei (Txelui Moreno, Amaia Esnal eta Mañel Serra) ere eman diete ebazpenaren berri.

Rafa



Informazio gehiago:Eitb: Fiskaltzak Rafa Diez kartzelatzea eskatu du

63 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin