Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Fiskaltzak Jokin Zerain ETAko kideari zigorra murriztea babestu du


2011-11-22 12:43

Defentsa abokatuak helegitea aurkeztu zuen Auzitegi Nazionalaren ebazpenaren kontra eta Fiskaltzak babesa eman dio hein batean.

Fiskaltzak Jokin Zerain ETAko kidearen defentsak Auzitegi Nazionalaren ebazpenaren kontra aurkeztu duen helegitea babestu du hein batean. Auzitegi Nazionalak bederatzi urteko kartzela-zigorra ezarri zion 2009ko maiatzaren 11n Mendibilgo (Araba) telefono antena batean lehergailuak jartzeagatik.

Zerain Ander Arruerekin batera epaitu zuten. Arrueri urtebeteko zigorra bakarrik ezarri zioten kaltea konpontzeagatik, izan ere, epaiketa baino lehen eragindako kaltea ordaindu eta delitua aitortu zuen.

Epaiketan, Arruek Zerainek ere delituan parte hartu zuela esan zuen, eta azken horren senideen eta lagunen putakumea! oihuak entzun ziren auzitegian.

Gorenean gaur goizean egin duten saioan, Zerainen defentsak absoluzioa eskatu du Auzitegi Nazionalaren ebazpena zeharkako frogetan eta erreferentziazko lekukoetan oinarritzen delakoan.

Fiskala absoluzioaren kontra agertu da, baina delitu batengatik bakarrik zigortzea onartu du, ez birengatik (lehergailuak edukitzea eta garraiatzea eta kalte terroristak).

Auzitegi Nazionalaren arabera, Zerainek eta Arruek jarri zituzten lehergailuak Mendibileko errepikagailuan eta 5.148 euroko kalteak eragin zituzten.



Informazio gehiago:Eitb: Fiskaltzak Jokin Zerain ETAko kideari zigorra murriztea babestu du

38 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin