Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Fiskaltzak Bilduren zerrenda guztiak inpugnatuko ditu


2011-04-12 08:43

ETAren paper batzuetan oinarrituko da zerrenda guztien kontra jotzeko. Paper horietan Eusko Alkartasunarekin koalizioa osatzeari lehentasuna emateko agintzen omen dio ETAk ezker abertzaleari.

Fiskaltzak Bilduren zerrenda guztien kontra ekingo dio eta zerrenda guztiak inpugnatuko ditu ETAren paper batzuetan oinarrituta, El Correo egunkariak gaur argitaratu duenez.

Aipatu iturriaren arabera, Espainiako Poliziaren txostenek diote ETAk beharrezko jotzen duela ezker abertzalea hauteskundeetan egotea eta duela bi urte Eusko Alkartasunarekin koalizioa osatzeari lehentasuna emateko agindu ziola ezker abertzaleari.

Estatuaren informazio zerbitzuen arabera, 2008an dauka abiapuntua ezker abertzaleak eta EAk bat-egiteko estrategia horrek, ETAk Herri Antolatuaren Estrategia Independentista Baterantz izeneko zuzentaraua argitaratu zuenetik hain zuzen ere.

El Correo-k argitaratu duen informazioaren arabera, Bateragune izan zen elkarrekintza horren lehen saiakera, baina bertan behera geratu zen eta 2010 urteko bukaeran berrekin zituzten hartu emanak Bildu koalizioa sortzeko.

Horregatik, Gorenaren aurrean Bilduren zerrenda guztiak salatzeko argudioak ikusten omen dituzte Estatuko terrorismoaren aurkako zerbitzuek, Estatuaren abokatuek eta Fiskaltzak.



Informazio gehiago:Eitb: Fiskaltzak Bilduren zerrenda guztiak inpugnatuko ditu

53 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin