Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Filtrazioek prozesua lokaztea dutela helburu salatu du EAk


2011-03-08 13:15

Maiorga Ramirezen ustez, lehendakariaren aurkako balizko atentatuaren filtrazioak atxilotuek tortura salaketak estaltzea izan lezake helburu.

Maiorga Ramirez EAk Nafarroan duen idazkari nagusiak adierazi du Patxi Lopez lehendakariaren aurkako balizko atentatuaren filtrazioak atxilotuen tortura salaketak estaltzea izan lezakeela helburu.

Bere esanetan, azken egunetan hainbat filtrazio izan dira Guardia Zibilaren eta Estatuaren aparatuen partetik, eta haien helburua oso garrantzitsua den prozesu historikoa zikintzea edo lokaztea izan liteke.

ETB-2ko Egun on Euskadi saioan egindako elkarrizketa batean, buruzagi abertzaleak esan du zaila dela filtrazioen inguruan baloraziorik egitea, baina argi utzi nahi izan du EAk gaitzetsi egiten duela giza eskubideen edoizen urraketa.

Nolanahi ere, tankera horretako filtrazioek alarmismoa piztea eta atxilotuen tortura salaketak estaltzea asmo dutela salatu du.

Hori horrela, Maiorga Ramirezek nabarmendu du EAren interesa etorkizuna dela, iragana eta edozein indarkeria mota gaitzetsi egiten badu ere.

Lan egiten ari gara eta buru-belarri gaude bake- eta normalizazio-prozesuarekin, gertaera horiek iraganeko kontuak izan daitezen eta Euskal Herriaren etorkizuna bakea izan dadin, azpimarratu du.



Informazio gehiago:Eitb: Filtrazioek prozesua lokaztea dutela helburu salatu du EAk

41 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin