Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

#FilmEsaldia hashtag-a, Durangoko Azokako Kabi@ abiatzeko


2011-12-05 07:55

Astelehen honetan inauguratuko dute Kabi@ espazio berria. Sare sozialak erabilita, #FilmEsaldia ipuin inprobisatuaren joan-etorria erabakiko dute azokako bisitariek.

Durangoko Liburu eta Disko Azokak bigarren eguna bizi du gaur, eta bi espazioren inaugurazioarekin ekingo dio jardunaldiari. Haur literatura aretoak 10:00etan irekiko ditu ateak, Kultur adierazpen berriak aztertuz.

Ordu bete geroago, Kabi@ espazio berriaren estreinako ekitaldia egingo dute. Sarean eta euskarri teknologiko berrietan euskaraz garatzen diren ekimenei zuzenduta dagoen proiektu berria da Kabi@, eta #FilmEsaldia ipuin inprobisatuarekin abiatuko du ibilbidea.

Ander Lipus aktoreak, azokara gerturatzen diren bisitariaren laguntzarekin, ipuin kontaketa interaktiboa eta inprobisatua egingo du. Sare sozialak erabilita, kontakizunaren joan-etorriak bisitariak berak erabakiko du. Arratsaldeko 19:00etan egingo dute ipuin interaktiboaren kontaketa, Kabi@n bertan. Eguerdi aldean, liburu elektronikoari buruzko mahai-ingurua izango da espazio berri honetan, gurebook atariaren eskutik.

Gaur ere, musikaz gozatzeko aukera eskainiko digu Ahotseneak, eta emanaldi guztiak zuzenean eskainiko ditu eitb.com-ek . 11:00etan, Entzun 2011 eta Entzun! Disko-liburu atari berria aurkeztuko dituzte, eta, jarraian, Ze Esatek taldea arituko da bertan, zuzenean. 15:30ean, Sparteens taldekoen txanda izango da.

Aretoan, Galiziako kulturari egingo diote lekua, Galegoz eta euskaraz, Galicia eta Euskal Herriaz? berriketaldiarekin. Dario Xohan Cabana idazle galegoak eta Pako Aristi euskaldunak idazteaz eta hizkuntza bietan literaturak bizi duen egoeraz solasaldia konpartituko dute. Euskal Herrian bizi den Xose Estevez idazle galiziarra izango dute zirikatzaile.


src=http://www.eitb.com/multimedia/images/2011/11/29/576740/576740_EK_EUSKALDISKOETXEAK_copy_detalle_1.jpg/



Informazio gehiago:Eitb: #FilmEsaldia hashtag-a, Durangoko Azokako Kabi@ abiatzeko

110 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin