Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Filadelfia hiriak gaztelaniazko Web TV turistikoa aurkeztu du


2011-03-08 15:35

Vilau euskal enpresak garatu du AEBetako hiriko Turismo Patronautarentzat web TVa. Atariaren helburua Filadelfia Europarentzat AEBen atea izatea da.

Philadelphia Convention & Visitor Bureauk gaztelaniazko Web TV turistikoa aurkeztu du. Atariaren helburua Filadelfia hiria espainiar merkatuan helmuga turistiko bezala promozionatzea da. Horrela, turismo Patronatuak Filadelfia Europarentzat AEBen atea izatea nahi du. Horrez gain, hiriaren kokapen estrategikoa (New York eta Washington gertu dituelako) eta helmuga dinamikoa ere nabarmendu nahi ditu.

Aurkezpenean, Alan Solomont AEBetako enbaxadorea eta Michael Nutter Filadelfiako alkatea izan dira. Horrez gain, ekitaldian, Ricardo Gonzales de Vilaumedia ataria garatu duen euskal enpresako ordezkaria eta eta Alberto Arizkorreta EITBko Chiloe saioko zuzendaria ere izan dira. Arizkorretak aurkeztu du, hain zuzen ere, Web TVak eskaini duen lehen bideoa.

Philadelphia.TV Turismo Philadelphia markaren erreminta nagusia izango da. Hiria Europako merkatuan promozionatzeko, Web TVak bi komunikabide indartsu erabiliko ditu: telebista eta Internet. Izan ere, gaur egun bidaiak Sarean gehien bilatzen (% 78) eta erosten (% 50) diren produktuak dira.

Bidaiariak bideokamera batekin bidaliko ditugu Filadelfiara esperientzia grabatzeko eta, ondoren, Sarera igotzeko, esan du Fritz Smith Philadelphia CVBko turismo sektoreko presidenteordeak.

Erabiltzailearen partehartzea ezinbestekoa da Patronatuarentzat eta, gainera, Interneteko erremintarik erabilgarrienetako bat da. Hori dela eta, erabiltzaileak botoa emateko, komentarioak egiteko eta sare sozialetan eduki horiek partekatzeko aukera izango du. Horrez gain, edukiak gehitu eta hiriari buruz dituen iritziak argitaratuko ahal izango ditu. Patronatuak partehartzea sustatzeko lehiaketak antolatuko dituela aurreratu du.

Bihar, proiektuaren arduradunek Bilbon aurkeztuko dute Philadelphia.TV.




Informazio gehiago:Eitb: Filadelfia hiriak gaztelaniazko Web TV turistikoa aurkeztu du

78 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin