Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Fikzioa, dokumentala eta animazioa, Kimuak 2011ko protagonista


2011-07-20 14:28

Bederatzi film laburrek osatzen dute Eusko Jaurlaritzako Kultura Sailak, Etxepare Erakundeak eta Euskadiko Filmategiak sustatutako programaren hamalaugarren edizioa.

Aurkeztutako 64 film laburretatik bederatzi lan hauek aukeratu dituzte Kimuak programaren katalogo berrirako: Bucle (Aritz Moreno), La calma (David González), La casa del lago (Galder Gaztelu-Urrutia), Coptos (Álvaro Sau), Lagun Mina (Jose Mari Goenaga), La media pena (Sergio Barrejón), Muy cerca (Iván Caso), She?s Lost Control (Haritz Zubillaga) eta Zeinek gehiago iraun (Gregorio Muro).

Antolatzaileek aurtengo katalogoak erakusten duen zinematografiako hiru genero nagusien itzulera nabarmendu du: fikzioa, dokumentala eta animazioa. Bi film labur zuri-beltzean eginda daudela eta beste bitan off ahotsak duen garantzia azpimarratu nahi izan dute.

Emiliano Allendek, Medina del Campoko Zinema Astearen zuzendaria; Josemi Beltránek, Donostia Kulturako Zinema Unitatearen zuzendaria; Esperanza Luffiegok, Tabakalerako Ikus-entzunezkoen arduraduna; Pilar Martínez-Vasseurrek, Nanteseko Unibertsitateko (Frantzia) irakaslea eta Nanteseko Rencontres du Cinéma Espagnol ekimenaren Zuzendaritza Batzordeko kidea; eta Edurne Ormazabalek, EITB.com-eko zuzendaria, osatu dute aurtengo epaimahaia. Deialdira aurkeztu ziren 64 film laburretatik bederatzi aukeratzea erabaki zuen, aurreko urtean bezala.

Urtero bezala, film laburrak Donostiako Zinemaldian aurkeztuko dituzte emanaldi pribatuan, irailean, eta ondoren, herrialdeko eta nazioarteko zinemaldietan egingo dute ibilbidea.

Galder



Informazio gehiago:Eitb: Fikzioa, dokumentala eta animazioa, Kimuak 2011ko protagonista

110 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin