Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Familiak probak faltsutzea leporatu die Bizkaia Zubiaren arduradunei


2011-03-18 14:53

22 urteko gaztea irailaren 8an hil zen bere kotxea plataformatik uretara erorizenean. ETBko Euskadi Directo saioak sumarioa eskuratu ahal izan du.

Mikel Uriarte 22 urteko gaztea bere kotxearekin Bizkaia Zubitik uretara eroriz hil zela zazpi hilabete pasa direnean, Euskadi Directo saioak ikerketa judizialaren sumarioa eskuratu ahal izan du.

Ertzaintzak landutako polizia-atestatuan agertzen denez eta Euskadi Directok eskuratu ahal izan duenez, Mikel Uriarteren kotxearen bataz besteko abiadura 2010eko irailaren 8ko goizaldean 13km/ordukoa zen eta ez zeraman gehiegizko abiadura, hasieran Bizkaia Zubiko arduradunek azaldu zuten bezala.

ETBko Euskadi Directo saioak eskuratu ahal izan duen dokumentazioaren arabera, Mikel Uriarteren heriotzaren sumarioko dokumentazioaren arabera, hain zuzen ere, Ertzaintzak Bizkaia Zubiaren plataformako zorua oso irristakorra zegoela azaldu du.

ETBko saioak eskuratu ahal izan duen informazio horren arabera, gainera, eta epaiketara eramango duten informazio horretan agertzen denez, autopsiaren behin-betiko txostenak ez du Mikelen gorputzean substantzia toxikologikorik antzeman. Urperatzean itota hil zen Mikel, eta ez Bizkaia Zubiko arduradunek dioten bezala. Bere garaian mozkortuta zegoela esan baitzuten. Madrilgo Toxikologia Erakunde Nazionalak adierazi duenez, odol eta gibel analisia egin zitzaion eta bertan ez zuten ez droga ez beste botika narkotikorik antzeman.

Bestalde, familiak, David Muñoz abokatuaren bidez, Bizkaia Zubiari zubiaren barandak faltsutzea leporatzen dio otsailean beste peritazio bat egin aurretik. Istripua gertatu zen gauean plataformaren zorua irristakorra zela azpimarratu zuen eta barandak ez zuten erresistentziarik azaltzen. Familiak, Bizkaia Zubiari seguritate kameren irudietako batzuk ezabatzea leporatu dio, epaitegiak sumarioan sartzeko eskatu bazizkion ere.

Bizkaia Zubiak salaketa guztiak ukatu eta baranda aldaketa mantentze lanengatik izan zirela zehaztu du. Istripuaz kamerek hartutako irudiak ezabatzeari buruz, Bizkaia Zubiaren zuzendaritzak gezurra dela adierazi du. Eskatu zizkioten kamerek hartutako irudiak bakarrik banatu zituztela adierazi dute. Bizkaia Zubiak, istripuaren gauean barandaren ondoan langilerik ez zegoela onartu du.

Epaileak datozen asteetan baranda aldaketa grabatu zuen lekukoari deklaratzera deituko du eta baita mantentze lanen buruari ere. Auzia daraman epaileak, peritazio lan guztia amaitu aurretik heriotzaren lekua faltsutu ote zen jakin nahi du familiak adierazten duen bezala.

src=http://www.eitb.com/multimedia/images/2011/03/17/439850/439850_puente_detalle_1.jpg/



Informazio gehiago:Eitb: Familiak probak faltsutzea leporatu die Bizkaia Zubiaren arduradunei

43 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin