Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Familia bat etxetik botatzea ekidin dute zenbait talde sozialek


2011-06-15 12:55

Hipoteka ordaindu ezin zuelako kaleratu behar zuten familia hori. Hipotekak Kaltetutakoen Plataformak deitu protesta eta Cayo Lara IUko koordinatzaile nagusia ere bertan izan da.

Hipoteka ordaindu ezin dutela eta, familia bat etxetik bota behar zuten gaur goizean Madrilen, baina, zenbait gizarte-eragilek eta bizilagun-taldek deituta, hainbat manifestari elkartu dira eraikinaren atarian, sarrera itxi dute eta familiaren kaleratzea bertan behera geratu da.

Deialdia Hipotekak Kaltetutakoen Plataformak egin du eta hainbat gizarte-eragileren babesa izan du: Madrilgo Auzo-elkarteen Federazioarena, M-15 Mugimenduarena, Benetako Demokrazia Orain eta ATTAC taldeena.

Hamarnaka lagun elkartu dira Madrilgo Tetuan auzoan dagoen eraikinaren aurrean. Polizia ere bertaratu da, baina ez dute inolako neurririk hartu. Eguerdian, Madrilgo Gobernuko ordezkari batek baieztatu du gaurko kaleratzea bertan behera geratu dela.

Manifestariek pozik hartu dute berria eta familia honen kaleratzea behin betiko geldituko dutela azpimarratu dute.

Aipatzekoa da Cayo Lara IUko koordinatzaile nagusiak ere parte hartu duela protesta horretan. Alabaina, manifestarien eta Cayo Lararen artean tentsio uneak izan dira.

Manifestariek Cayo Lararen kontrako irainak bota dituzte eta ura ere bota diote gainera. IUko koordinatzaileak esan du herritar moduan manifestatzeko eskubidea daukala, horrelako jarrerak mugimendu sozialen kalterako baino ez direla eta kaleratzeen benetako erantzuleengan jarri behar dela jomuga.



Informazio gehiago:Eitb: Familia bat etxetik botatzea ekidin dute zenbait talde sozialek

60 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin