Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ezker abertzaleak ETA eta Gobernuen arteko elkarrizketa eskatu du


2012-01-08 13:37

Maribi Ugarteburu ezker abertzaleko bozeramaileak Bilboko manifestazioaren balorazioa egin du eta inoiz Euskal Herrian egin den handiena izan dela adierazi du.

Maribi Ugarteburu ezker abertzaleko bozeramaileak gatazka politikoaren ondorioetara mugatzeko dei egin die Espainiako eta Frantziako estatuei. Horien artean, presoen kaleratzea eskatu du, eta dispertsioaren amaiera eta gaixo dauden presoen kaleratzea urgentziazko pausoak direla adierazi du.

Bilbon egin den manifestazio jendetsua baloratzeko Bizkaiko hiriburuan ezker aberztaleak egin duen prentsaurrekoan, historikoa eta kolosala izan dela esan du Ugarteburuk eta izan litekeen amnistia bat ebazteko ETAren eta Gobernuen arteko elkarrizketa beharrezkoa da, gaineratu du.

Larunbat honetako manifestazioa inoiz Euskal Herrian egin den handienetakoa, edo handiena izan dela esan du eta pentsamendu politiko ezberdineko lagunak bildu izana baloratu du, nahiz era Auzitegi Nazionalak eta Herrizaingo sailak giroa nahasi nahi izan zuen hasieran.

Euskal preso politikoei ezartzen zaien espetxe politika kriminala amaitzeko eskatu du Ugarteburuk, eta denak Euskal Herrian, euren eskubideen jabe izatea defendatu du, normalizazio politiko eta demokratikoaren bidean aurrerapausoak emateko.

Zentzu honetan, PPko Gobernuari dispertsioaren errusiar erruleta minutu bat bera ere ez luzatzeko eskatu diote. ETAren erabaki historikoarekin gatazka politikoaren amaieran aurrerapausoak eman daitezke, hortaz, Espainia eta Frantziako Gobernuek berehalako neurriak hartu behar dituzte, esan dute.

Maribi



Informazio gehiago:Eitb: Ezker abertzaleak ETA eta Gobernuen arteko elkarrizketa eskatu du

68 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin