Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ezker abertzalea ez da ilegalizazioaren beldur


2011-09-13 14:44

Txelui Moreno adierazi duenez, azken hauteskundeetarako Bildu legeztatu ondoren, gizartearen eta klase politikoaren gehiengoak onartzen du azaroko hitzorduan ezker abertzalea egotea.

A-20ko hauteskundeetarako bere zerrendak legez kanpo jotzeak ez du ezker abertzalea kezkatzen. Honen bozeramaileek diotenez, azken hauteskundeetarako Bildu legeztatu ondoren, gizartearen eta klase politikoaren gehiengoak onartzen du azaroko hitzorduan ezker abertzalea egotea.

Horrela azaldu da Txelui Moreno ezker abertzaleko bozeramailea. Moreno, legez kanpo jo zuten Sorturen zerrendaren kide den heinean, ezin izango da hautagaia izan, baldin eta Auzitegi Konstituzionalak ilegalizazioaren gaineko helegitea ebazten ez badu.

Ezker abertzaleak indarrak batzeko proposatutako proiektuari EAK, Alternatibak, Bilduk eta Aralarrek emandako baietza ikusita, Morenoren esanetan, legeztapena lortzeko ez da arazorik egongo.

Bilduren legeztapenari dagokionez, aurrerapauso positiboa izan zela baieztatu du Morenok, gizartearen gehiengoak eskatutako aurrerapausoa. Gauzak horrela, hori aurrekaria izango da datozen azaroak 20ko hauteskundeetarako arazoak egon ez daitezen.

Patxiku Irisarrirekin batera, egungo egoera politikoa izan du Morenok aztergai. Honen iritzian, Konstituzioaren erreforma berria espainiar Estatuak pairatzen duen krisi politiko handiaren zantzu argia da. Izan ere, Estatuak ezin ditu langileen eskubideak bermatu.



Informazio gehiago:Eitb: Ezker abertzalea ez da ilegalizazioaren beldur

48 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin