Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Eva, The help eta Le gamin au vélo, zinema aretoetan ikusgai


2011-10-27 14:01

Steven Spielbergek eta Peter Jacksonek The Adventures of Tintin: Secret of the Unicorn, Hergek sortutako pertsonaian oinarritutako filma, estreinatu dute.

The help eta The Adventures of Tintin: Secret of the Unicorn txarteldegietan etekin handia lortzen saiatuko dira, eta Eva eta Le gamin au vélo filmek kalitatez beteko dituzte zinema aretoak.

Azkenaldian jakin-min handiena piztu duen filmetako bat da The Adventures of Tintin: Secret of the Unicorn. Ordenagailuz sortutako lan hau Steven Spielberg eta Peter Jackson zuzendarien arteko elkarlanaren emaitza da, Daniel Craig, Jaime Bell eta beste hainbat aktorek egindako lanetik abiatuta dago eta Herge belgikarrak sortutako pertsonaiaren abenturetan oinarritzen da. Milu txakurrarekin batera, ?Adarbakar? itsasoan hondoratutako itsasontziaren bila abiatuko da.

AEBetan 150 miloi dolarretik gora lortu ditu The helpek, eta ikusmin handia piztu du gurean ere. Emma Stonek, Viola Davisek eta Octavia Spencerrek parte hartzen dute lan honetan, eta emakumeen eskubideen aldeko borroka du hizpide. Ezkutuan sortutako literatur lan batzuen bidez, emakume beltz morroien egoera jasangaitza gaitzetsiko dute.

Eva zientzia fikziozko filma zuzendu du Kike Maillok. Sitgesko Fantasiazko Zinemaldian arrakasta handia erdietsi zuen, besteak beste Daniel Brühl (Álex), Claudia Vega (Eva), Marta Etura (Lana), Alberto Ammann (David) eta Lluís Homar aktore entzutetsuen lanari esker. 2041ean girotutako lan futurista hau adimen artifizialari buruzkoa da.

Jean-Pierre eta Luc Dardenne anaiek idatzi eta zuzendutako lana da Le gamin au vélo. Canneseko Zinemaldian saritu egin zuten Belgika, Frantzia eta Italia herrialdeen arteko koproduzio hau. Gurasoek utzi eta gero 12 urteko haur batek bizitzan aurrera egiteko dituen zailtasunak erakusten ditu.

The



Informazio gehiago:Eitb: Eva, The help eta Le gamin au vélo, zinema aretoetan ikusgai

142 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin