Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Eusko Legebiltzarrak NATOko ebazpena errefusatu dezan eskatu EBk


2011-03-22 13:47

Ezker Batuak aurkeztutako proposamena onartuko balu, Eusko Legebiltzarrak Libiaren aurkako erasoa gelditzea eta bide diplomatikoari bultzada ematea eskatuko lioke Espainiako Gobernuari.

Libian esku-hartzea onartu duen NATOko ebazpena Eusko Legebiltzarrak errefusatzeko proposamena aurkeztu du Ezker Batuak. Espainiako Armadaren parte-hartzea eta Kongresuaren aldez aurretiko baimenik gabe, militarrak mugiaraztea bereziki errefusatzea du helburu ekimen honek.

Ezker Batua alderdiak aurkeztutako proposamena onartuko balu, Eusko Legebiltzarrak Libiaren aurkako erasoa gelditzea, Gadafiren Gobernuak iragarritako su-etena egiaztatzea eta bide diplomatikoari bultzada ematea Espainiako Gobernuari era ofizialean eskatuko lioke.

Gasteizko Legebiltzarrak Gadafiren Gobernua gaitzestea nahi du Ezker Batuak. Gainera, bidezkoa den irtenbide demokratiko bakarra eta iraunkorra jorratzea eskatu du, hau da, hauteskunde demokratikoaren bitartez Libiari hitza ematea. Mikel Arana Ezker Batuko koordinadore nagusiaren hitzetan, Libiari egindako eraso honen atzean interes estrategikoak eta energetikoak daude.



Informazio gehiago:Eitb: Eusko Legebiltzarrak NATOko ebazpena errefusatu dezan eskatu EBk

98 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin