Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Eusko Jaurlaritzak zortzi ekimen ezarri ditu merkataritzari laguntzeko


2011-09-22 16:01

Termino errealetan, % 2,7 hobetu ditu bere salmentak EAEko barne-merkataritzak.

Eusko Jaurlaritzako Industria, Berrikuntza, Merkataritza eta Turismo Sailak zortzi ekimen berri ezarri ditu azken urtean merkataritzari laguntzeko. Termino errealetan, % 2,7 hobetu ditu bere salmentak EAEko barne-merkataritzak.

Merkataritza eta Turismoko sailburuordea Pilar Zorrillak eta Merkataritzako zuzendaria Maite Valmasedak agerraldia egin dute ostegun honetan Eusko Legebiltzarreko Industria Batzordean, Euskal Merkataritzaren Egokitze Planaren betetze-mailari buruzko informazioa emateko, 2010eko apirilean onartu zenetik urtebete igaro denean.

Horrela, agerraldia egin aurretik, Zorrillak gogoratu du barne-merkataritzaren salmentek % 5,6ko igoera nominal metatua izan zutela 2010ean, eta termino errealetan, aldiz, % 2,7koa. Lurraldeen arabera, Gipuzkoa % 3,5 hazi zen, Araba % 3,4 eta Bizkaia % 2,1.

Pilar Zorrillak nabarmendu duenez, sektoreak egindako ahalegin itzela, Jaurlaritza beti alboan izango duela, etengabeko eraldaketan dagoen jokaleku batera egokitzeko, betiere prestakuntzaren, kudeaketaren hobekuntzaren eta inbertsioak gehitzearen aldeko apustua eginez, une honetako zailtasun ekonomikoak gorabehera.

Azken urte honetan zortzi ekimen jarri dira abian Euskal merkataritzari laguntzeko, ikuspegi desberdinetatik begiratuta: Merkataritza Bikaina, Merkataritza Ekipamenduen Modernizazioa, Lehiatu Programa Enpresa arteko Lankidetzakoa, Transmisio eta Ekintzailetzako ekimena, hiri-merkataritza dinamizatzeko Zonako Estrategiak, Miniresiste programa eta Ikusmer Euskal Merkataritzaren Behatokiak izan duen erabateko aldaketa.

Merkataritza Bikainari dagokionez, Eusko Jaurlaritzak saltokiei beren bikaintasun-maila hobetzea ahalbidetzen dieten bitarteko ziurtagiriak (Brontzezko Q-a eta Bikaintasuna helburu) bultzatu ditu. 250 saltoki daude jada eraldaketa-prozesuan eta horietatik 9k ziurtagiri berriak lortu dituzte. Era berean, UNE arauaren 316 ziurtagiri eman dira aldi horretan. Nolabaiteko kalitate-maila egiaztatzen duten 1.491 saltoki ditu une honetan Euskadik. Programa horrek jakin-mina piztu du gobernu autonomoetan, eta informazioa eskatu dute beren erkidegoetan abiarazteko.

Merkataritza Ekipamendua Modernizatzeko programak, Renove plana izenez ere ezagututakoak, bultzada eman dio Euskadiko denden berritzeari. 2010-2011 aldian, Eusko Jaurlaritza ia bederatzi milioi euroko diru-laguntza eman du sektoreko enpresak beren instalazioak modernizatzera animatzeko, 80 milioi euroko guztizko inbertsioarekin.



Informazio gehiago:Eitb: Eusko Jaurlaritzak zortzi ekimen ezarri ditu merkataritzari laguntzeko

48 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin