Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Eusko Ikaskuntzak Agosti Xaho idazlea omenduko du larunbat honetan


2011-10-08 12:41

Baionako Museoak hartuko du kazetari, politikari eta jenio erromantikoaren omenezko jardunaldia. Bere jaiotzaren 200. urteurrena ospatzeko, gainera, Eusko Jaurlaritzak Xahoren biografia kaleratu du.

Eusko Ikaskuntzak Agosti Xaho kazetari, politikari eta jenio erromantikoaren omenezko jardunaldi bat antolatu du larunbat honetarako, Baionako Euskal Museoan, bere jaiotzaren 200. urteurrena dela eta, erakundeko iturriek jakinarazi dutenez.

Agosti Xaho Lagarde Atharratze herrian (Zuberoa) jaio zen, 1811ko urriaren 10ean. Euskal kazetari, idazle, hizkuntzalari eta politikaria izan zen, eta haren pentsamoldea ezkerreko euskal nazionalismo baten lehen aurrekaritzat hartzen dute askok. Euskaldunen jatorriaren eta historiaren inguruko hainbat kontakizunen asmatzailea izan zen, tartean Aitorren elezaharra.

Hamar hizlarik Atharratzeko jenioaren izaera aberatsaren alderdi anitzak landuko dituzte, hain zuzen ere, Xabier Zabaltzak, Battittu Coyosek, Xipri Arbelbidek, Fermin Arkotxak, Xabier Ezeizabarrenak, Joseph Zabalok, Elisabete Zubillagak, Marie-Andree Ouretek eta Jean-Claude Larrondek. 09:00etan hasita, 18:00ak arte, egun osoko jardunaldia prestatu dute. Halaber, sarrera doakoa izango da.


Biografia, kalean

Xahoren jaiotzaren 200. urtemuga ospatzeko, Eusko Jaurlaritzako Kultura Sailak idazle zuberotarraren biografia aurkeztu du astearte honetan, Hendaiako Abadia Gazteluan. Xabier Zabaltza historialari nafarrak idatzi du lana.

Xabier Zabaltza lanaren egileak argitu duenez, liburu hau biografia bat baino gehiago, ideografia bat da. Izan ere, saiatu naiz Agosti Xahoren ideologiako kontu garrantzitsu batzuk azaltzen, polemikoak izan daitezkeenak. Ideologia hori oso korapilatsua da, baina, barne-batasun handia du bere baitan.

Xahori buruzko argitalpen hau ez da salgai jarriko, eta liburutegietan, ikastetxeetan eta unibertsitateetan banatuko da. Dena den, Bidegileak bildumako gainerako argitalpenen moduan, Xahori buruzko biografia Interneten topatu ahal izango da.

Agosti



Informazio gehiago:Eitb: Eusko Ikaskuntzak Agosti Xaho idazlea omenduko du larunbat honetan

186 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin