Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Euskaraz % 50a ikasten dutenek ez dute titulurik erakutsi beharko


2011-10-03 16:59

Atzeraeraginezko izaera duen neurria izango da eta 2008ko apirilaren 18tik aurrera ikasketak bukatu dituztenei eragingo die.

Derrigorrezko Bigarren Hezkuntzako (DBH) eta Lanbide Heziketako (LH) ikasgaien % 50 edo gehiago euskaraz ikasten dutenek ez dute hizkuntza titulurik erakutsi beharko. Atzeraeraginezko izaera duen neurria izango da gainera, 2008ko apirilaren 18az geroztik.

Gaur aurkeztu dute Isabel Celaa Hezkuntza sailburuak eta Blanca Urgell Kulturakoak zirriborroa, eta Celaak esan duenez, Eusko Jaurlaritzaren asmoa dekretua urtea amaitu baino lehen aprobatzea da.

Titulurik ez aurkeztearen beharra egindako ikasketen araberakoa izango da.

Gaur argitu dutenez, batxilergoan edo lanbide hezkuntzan ikasgaien erdia euskaraz ikasten dutenek ez dute administrazioan euskara titulurik beharko euskara maila frogatzeko, eta automatikoki B2 hizkuntza maila izango dute, hezkuntzako PL1aren edo administrazio orokorraren 2. perfilaren baliokidea.

Derrigorrezko Bigarren Hezkuntzan ikasgaien erdia euskaraz ikasten dutenek eta euskara ikasgaia aprobatuta dutenek, B1 maila izango dute, administrazioko lehenengo perfilaren baliokidea.

Neurri honek D ereduan ikasten duten ikasle guztiei eragingo die, baita B ereduan ikasgaien erdia baino gehiago euskaraz ikasten dutenei.

Gainera, gradu bukaerako lanak edota unibertsitate ikasketak batik bat euskaraz egiten dituztenek ez dute C1 mailako titulurik erakutsi beharko, jada hori lortuko dute, EGAren baliokidea, Hezkuntzako PL2a eta administrazio orokorreko 3. perfilaren baliokidea.

A ereduko (gazteleraz) ikasleei ez die dekretu honek eragingo, beraz, azterketetara aurkezten jarraitu beharko dute, administrazioetara sartzeko dagokien tituluak lortzeko edota irakaskuntza pribatuan eta homologatutako beste zentro batzuetan, besteak beste, euskaltegietan, klaseak emateko.




Informazio gehiago:Eitb: Euskaraz % 50a ikasten dutenek ez dute titulurik erakutsi beharko

74 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin