Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Euskararen Aholku Batzordea Ekintza Mapa Berria prestatzen ari da


2011-03-09 17:47

Ekintza Mapa Berriak segida hartuko dio azken 12 urteetan administrazioetan zein gizartean erreferentea izan den EuskaraBiziberritzeko Plan Nagusiari.Euskararen Aholku Batzordea Euskara Biziberritzeko Plan Nagusia (EBPN) berrikusten eta Ekintza Mapa Berriaren diseinua lantzen hasi zen joan den otsailaren 22an Euskara 21 batzorde-atalak izan zuen bileran. Datozen urteotako hizkuntza-politikaren oinarriak Euskara 21 batzorde txostengilean adostu baziren ere, Euskararen Aholku Batzordeak erronka berria du aurrean: lan ildo orokor horietatik abiatuta, bideragarriak eta eragingarriak izango diren neurri zehatzez osatutako plangintza orokorra egin behar du.

Ekintza Mapa Berriak segida hartuko dio azken 12 urteetan administrazioetan zein gizartean erreferentea izan den Euskara
Biziberritzeko Plan Nagusiari.

Otsaileko bileran 30 lagun elkartu ziren eta batzorde-atal berria osatzeaz gain, batzordearen helburuak eta egitekoak zehaztu ziren.

Lan metodologia eta lan egutegia ere adostu zituzten. Batzordean gogoeta modu eragingarrian bideratzeko zenbait gairen inguruan talde berezietan eztabaidatuko dela adostu zuten.

Lehengo taldeak irakaskuntza, euskalduntze-alfabetatzea eta familia bidezko jarraipena izango du hizpide; bigarrenak,
administrazioaren eta gune euskaldunen inguruan jardungo du; lan mundua, aisia, kirola edota erlijioa izango ditu mintzagai hirugarren taldeak; hedabideei buruzko batzordea ere izango da, prentsa idatzia, irratia, telebista nahiz IKT-en inguruan arituko dena; azkenik, liburugintzaren, kulturgintzaren, publizitatearen, corpus-plangintzaren edota euskararen kalitatearen inguruan hitz
egingo duen batzordea sortuko da.

Hurrengo bilera apirilaren 12an egingo da, EBPNren ebaluazioa aurkezteko. Ondoren, aipatu bost taldeak hasiko dira lanean eta 2012ko urtarrilerako aurreikusten da bere lehen aldiko lanak amaituta izatea.

Lurdes Auzmendi Eusko Jaurlaritzako Hizkuntza Politikarako sailburuordeak esker oneko hitzak izan ditu batzordekideentzat
lanerako adierazi duten gogo eta prestutasunarengatik.

Auzmendik adierazi duenez, Euskara Biziberritzeko Plan Nagusiak bere ibilbidea amaitu du eta orain bide berriari ekin behar zaio. Bide horretan, Ekintza Mapa Berria zehaztea izango da lehenengo urratsa. Oinarri teorikoak badaude, orain oinarri horiek praktikara eraman behar dira, gaineratu du.

Batzorde-atalak

Euskararen Aholku Batzordearen batzorde-atalak ere hasiak dira lanean. Otsailaren 24an Informazio eta Komunikazio Teknologiak batzorde-atala elkartu zen. IKTen alorrean euskarak dituen beharren zerrendatzea eginda, zerrenda hori garatu eta lehentasunak ezartzea eta arrazoitzea izan dute lehentasun. Hurrengo bilera maiatzaren 19an egingo dute.

Toponimia batzorde-atala, berriz, martxoaren 2an elkartu zen lehenengoz eta ekainaren 14an segida izango du joan den asteko
bilerak. Terminologia batzorde-atala, azkenik, lehen bilera eginda, maiatzaren 26an ekingo dio lanari. Bi batzorde-atal hauen kasuan ere, lan proposamen zehatza eginda ekin zaio lanari.



Informazio gehiago:Eitb: Euskararen Aholku Batzordea Ekintza Mapa Berria prestatzen ari da

67 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin