Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Euskal presoen eskubideen aldeko manifestazioa, Bilbon


2012-01-07 10:06

15.000 lagunek baino gehiagok eman dio atxikimendua euskal presoen eskubideen errespetua eta egungo kartzela politikarekin amaitzea eskatuko duen martxari.

Egin Dezagun Bidea plataformak deituriko manifestazioa Bilboko Casilla parean hasiko da arratsaldeko 17.30ean.

15.000 babes baino gehiago jaso ditu protestak eta antolatzaileek esan dutenez, 300 autobus baino gehiago antolatu dituzte Euskal Herriko txoko guztietatik.

Manifestazioa Autonomia kaletik joango da eta Udaletxean amaituko da. Bertan, Jon Garayk eta Ines Osinagak hartuko dute hitza. Azken urteetako mobilizaziorik jendetsuena espero da eta ETAko presoen eskubideen defentsaren aldeko aldarrikapen historikoa izango dela esan dute, iragan ilun batetik, etorkizun berrirako une garrantzitsua.

Presoak Euskal Herriko kartzeletara hurbiltzea, Parot doktrina bertan behera uztea edota gaixorik dauden eta zigorraren hiru laurdena bete duten presoak aske uztea eskatuko dute.

Antolatzaileek esan dutenez, martxa isila izango da eta erantzukizunez jokatzeko exijitu diote Jaurlaritzaren Herrizaingo Sailari. Auzitegi Nazionalak bi baldintza ezarri zituen: batetik, ETAko presoen argazkirik ez erakustea eta, bestetik, preso politiko kontzeptua ez erabiltzea

Manifestazioak babes asko jaso ditu, besteak beste, Amaiurrek, Bilduk, Aralarrek, Alternatibak, EAk,ezker abertzaleak eta ELA, LAB, EHNE eta HIRU sindikatuek euren presentzia baieztatu dute. Espainiako eta beste herrialdeetako hainbat elkartek ere euren atxikimendua eman dute: Catalunya Nació Independencia, Argentinako Alderdi Komunista, Bretainiako Brezhistance edota Venezuelako Simon Bolivar koordinakundea, esaterako.

Egin



Informazio gehiago:Eitb: Euskal presoen eskubideen aldeko manifestazioa, Bilbon

183 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin