Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Euskal moneta propioa Ipar Euskal Herrian?


2012-02-06 12:53

Tokian tokiko ekonomia suspertzeko eta espekulazioarekin amaitzeko euskal moneta bat izango litzateke. Horrelako ekimenak indarrean daude Europako eta ABEetako hainbat erregiotan.

Ipar Euskal Herrian egitasmo deigarri bat jarri dute abian: euskal moneta propioa ezartzea. Moneta hori euroarekin erabat osagarria da, alegia, ez da euroa ordezkatzeko moneta bat, eta, besteak beste, tokian tokiko ekonomia suspertzea, espekulazioarekin amaitzea, jarduera sozial eta ekologikoak bultzatzea eta euskara berari ere laguntzea bilatzen du.

Tokian tokiko monetan osagarriak Europako, AEBetako nahiz Japoniako hainbat erregioetan zirkulazioan daude jada. Iparralden euskal moneta propioa ezartzeko egitasmoaren atzean dagoen elkartea Alemanian izan da azken egunotan, chiemgauer moneta-sistemaren xehetasunak bertatik bertara ezagutzeko.

Alemaniako erregio horretako moneta Europako tokian tokiko monetarik garrantzitsuena da eta Iparralderekin antzekotasun handiak dituen lurraldean erabiltzen da: 300.000 biztanle dira eta nekazaritza-guneak eta hiri txikia dira nagusi.

Alemaniatik bueltan, euskal moneta indarrean jarri nahi duen Iparraldeko ordezkaritzan argi dute oraindik asko dutela egiteko. Lehendabiziko urratsa otsailaren 18an eta 19an egingo dute: batzordeak bilerak egingo ditu proiektua zehazteko eta ondoren Iparraldeko esparru ezberdinetako elkarteei aurkezteko.

Udaberrian moneta horren izena aukeratzeko kanpaina demokratiko eta parte-hartzaile bat abiaraziko dute eta urtea amaitu baino lehen moneta berriarekin proba bat egitea gustatuko litzaieke, esperimentu gisa izango bada ere.

Informazio gehiago, euskalmoneta.org webgunean.


Alemanian



Informazio gehiago:Eitb: Euskal moneta propioa Ipar Euskal Herrian?

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin