Eusko Jaurlaritzako Enpleguko eta Gizarte Politiketako Sailak eta Garapenerako Lankidetzaren Euskal Agentziak otsailaren 14ra arte zabalik dute 2017ko Euskadiko Gazteak Lankidetzan programan izena emateko epea. Egitasmo honen bitartez 22 eta 30 urte bitarteko 100 neska-mutilek aukera izango dute hiru hilabetean (ahal dela uztailetik urrira bitartean) lankidetza ekintza zehatzak gauzatzeko Amerika, Afrika eta Asiako hainbat herrialdetan. Gazteak herrialde horietan integratuko dira garapenerako gobernuz kanpoko erakundeen bitartez bertan lan egiteko.
