Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Euskadik eta Errioxak bilera-sorta egingo dute adostasuna bilatzeko


2011-11-18 08:44

Gai honi buruz eztabaidatzeko, datozen egunetan bilerak egitea adostu dute Rafael Bengoak eta Jose Ignacio Nietok (Euskadiko eta Errioxako Osasun arduradunak).

Osasun zerbitzuaren inguruko gatazkari konponbide bat emateko negoziatzen hasiko dira ostiral honetan Rafael Bengoa eta Jose Ignacio Nieto EAEko eta Errioxako Osasun kontseilariak.

Pedro Sanz (PP) Errioxako Gobernuko presidenteak berretsi du ez dituztela artatuko euskal herritarrak errioxar osasun zentroetan, eta bertako osasun zerbitzua nahi dutenek eskatu eta hitzartu egin beharko dutela gaineratu du.

Prentsaurrekoan, Sanzek ohartarazi du ez dutela zerbitzua eskainiko Euskadik ordaindu arte.

Gai honi buruz eztabaidatzeko, gaur bertan bilera egitea adostu dute Rafael Bengoak eta Jose Ignacio Nietok (Euskadiko eta Errioxako Osasun arduradunak).

Errioxako Gobernuaren arabera, alde bientzat onuragarria izango den akordioa adostea nahi dute. Hori bai, negoziazio prozesu honen berririk ez dute emango, akordioa lortu arte.

Gogoratu behar da EAEko ospitaletan Errioxako, Kantabriako, Burgosko eta Nafarroako 14.000 bizilagun artatzen dituztela, inolako ordainsaririk gabe, gertutasun printzipioa dela eta.

Errioxako presidenteak ukatu egin du Arabako Errioxako herritarrak osasun zerbitzu gabe geratu izana, Gasteizen baitute. Eta Errioxakoa gustoko badute, gurekin adostu dezatela.

Horren ildotik, Kongresuan San Pedro Ospitalerako finantziazioa eskatu zutenean, euskal parlamentarioek aurka bozkatu zutela esan du.

Sanzek aitortu egin du Jaurlaritzarekin bilera bat egin zutela Casalarreinan, baina ondoren Gasteizko Gobernuak Ministeriora jo zuela salatu du, gaiztoak gu ginela esateko.

Hortik aurrera, Jaurlaritzarekin hartu-eman gehiago eduki izana ukatu du.

Jaurlaritzak dio hirutan bildu direla

Eusko Jaurlaritzak beste bertsio bat dauka. Rafael Bengoa Osasun sailburuak gutun bat igorri zion atzo Jose Ignacio Nieto Errioxako Osasun kontseilariari, premiazko bilera bat egitea eskatzeko, osasun gatazka konpontzea helburu.

Gasteizko Gobernuaren iturriek azaldu dutenez, orain arte hirutan bildu dira Errioxako Gobernuko ordezkariekin, baina ez dute akordiorik lortu.

Atzo igorritako gutunean, akordioa lortu arte euskal herritarrei zerbitzua ematen jarraitzea eskatu zion Bengoak Nietori.

Gose-greba

Bien bitartean, Errioxako Gobernuaren egoitzaren aurrean gose-grebarekin jarraituko duela ohartarazi du Ruben Garrido (PP) Oiongo alkateak, Arabako Errioxako bizilagunek osasun zerbitzua berriro jaso arte, nahiz eta Jaurlaritzak eta Errioxako Gobernuak elkarrizketak hasi dituztela iragarri.

Garridok ez du asteazkenetik elikagai solidorik jan eta Logroñoko El Espolon plazan kanpaturik jarraitzen du. Arabako Errioxako herritarrek osasun zerbitzua jasotzeko eskubidea dutela defendatzen du alkateak.

3.000



Informazio gehiago:Eitb: Euskadik eta Errioxak bilera-sorta egingo dute adostasuna bilatzeko

74 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin