Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Euskadik beste 18 haur-etxe izango ditu 2012an, haurtxoak zaintzeko


2011-11-09 11:56

Une honetan bost daude, Bizkaian, ekimenaren proba fasean. Etxebizitza partikularretan 3 urte arteko haurrak zaintzea dute helburu.

Eusko Jaurlaritzak beste 18 haur-etxe sortuko ditu 2012 urtean, etxebizitza partikularretan haurtxoak zaintzeko. Une honetan bost daude Bizkaian, ekimenaren proba fasean.

Iragarpena Gemma Zabaleta Enplegu eta Gizarte Gaietarako sailburuak egin du, proiektua azaltzeko Eusko Legebiltzarrean egindako agerraldi batean.

Ekimenak 3 urte arteko umeak zaintzea du helburu. Langile profesionalek egiten dute, etxebizitza partikularretan, gurasoen lana eta bizitza pribatua bateratzeko helburuz.

Zaintzaileek euren etxebizitzetan bertan zaintzen dituzte umeak, gurasoen beharrei moldatutako ordutegietan.

Haur-etxeak gurasoen etxebizitzatik edo lan-postutik gertu egon behar du.

Sailburuaren esanetan, aurten bost etxebizitza egokitu dituzte Bilbo inguruan, horietako bakoitzean 3 eta 4 umetxo artean zaintzeko.

Lau etxebizitza udatik dira haur-etxe, bestea irekitzeko zorian dago, eta 2012an beste 18 abiatuko dituzte, Euskadi osoan.

Zabaletak azaldu du ekimenaren helburua ez dela haurreskolei lehia egitea, baizik eta gurasoei eskaintza handitzea.

Datuen arabera, haur-etxeek 8 metro karratu izan behar dituzte haur eta zaintzaile bakoitzeko.

Besteak beste, telefono zerbitzua eta hainbat segurtasun neurri ere izan behar dituzte.



Informazio gehiago:Eitb: Euskadik beste 18 haur-etxe izango ditu 2012an, haurtxoak zaintzeko

71 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin