Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zuhaitz, landare eta baserri tresnerien azoka ospatuko da larunbatean Markina-Xemeinen


2006-02-07 11:26



BILBO, 7 (EUROPA PRESS)

Lea Artibaiko Amankomunazgoak datorren larunbatean, otsailak 11, zuhaitz, landare eta baserri tresnerien azoka antolatu du Markina-Xemeinen. Aurtengoa bostgarren edizioa da eta beronekin ematen da udalerri bizkaitar hontako urteroko salmenta zuzeneko egitarauari hasiera.

Antolatzaileek prentsa-ohar batean argitzen dutenaren arabera, otsailetik aurrera, hainbat landare, zuhaitz eta zuhaizka landatzen dira baso, ortu eta lorategietan. Beraz, otsaila ladantzeko hile aproposa dela esan daiteke mota honetako ekimen bat garatzeko.

Azokan hamika mintegik, lau baserri tresnekin, energia berriztagarridun bat, bi elkartek eta eskualdeko sei baserritarrek hartiko dute parte. Goiz osoan zehar fruta arbola, zuhaitz, landara, baserri tresnak eta eskualdeko baserritarrek ekoiztutako produktuak erosi ahal izango dira; eta honetaz gain bertoko hazi barietateari buruzko informazioa eskuratzeko aukera egongo da baita.

Bostgarren ediziorako nolabait azokarekin lotuta eta aurreko urtekoarekin jarraituz, II.Hazi eguna antolatu dute Lea Artibaiko Amankomunazgoak, Euskal Herriko Hazien Sareak, Galtzagorriak (Urdaibairen Aldeko Bolondresak) eta Ekozainen artean. Azokaren koiuntura aprobetxatuz bertoko hazi barietatearen gaia landu nahi da eta honekin nekazaritzan dagoen biodibertsitatea ezagutzera eman eta kontserbatu.

Bestalde, iaz bezala, deialdi bat egin nahi da baserritarrei bost urtetan gutxienez erabili izan dituzten haziak azokara ekar ditzaten. Azoka gunean mahai bat jarriko da norbanakoak etxean erabiltzen dituen haziak jasotzeko eta klasifikatu ostean erakusgai egoteko azokak irauten duen bitartean. Bertoko hazi barietateari buruzko edozein zalantza argitzeko, Galtzagorri eta Euskal Herriko Hazien sareko partaideak azokan egongo dira.

ERROTARA BISITA

Iazko tenorean, ikasleekin bertoko hazi barietatearen gaia lantzeko tailer praktiko batzuk ere antolatuko dira astean zehar. Aurten eskualdeko beste herri batzuetara zabalduko da tailerra, hain zuzen Amorotoko eta Berriatuako eskoletara. Gaztetxoekin burutuko den tailerrean arto haziari emango diogu protagonismoa, hazi barietate ezberdinak aztertuz eta artoaren prozesu guztia ezagutuz eta artoaren prozesu guztia jarraitzeko, tailer didaktiko baten ostean, Gizaburuagako Eretza Errotara bisita gidatu bat egingo da.

Azokak goizeko 10,00etarako zabalduko ditu ateak eta eguerdiko 2,00etan itxiko ditu. Goizeko 11,00ak aldera talo prestaketa tailerra izango da, tailer hau batez ere umeei zuzenduta egongo delarik.

Azoka hau eskualdeko nekazaritzaren sustapen egitarauaren barnean sartzen da.

Egitarau hau Lea Artibaiko Amankomunzgoak antolatzen du, Landa Garapen Alkarte, Lea Artibaiko Udal, Eusko Jaurlaritza, Bizkaiko Foru Aldundia, Bilbao Bizkaia Kutxa eta produktoreen laguntzarekin. Halaber, hazi eguna antolatzen beste erakunde batzuk ere jardun dute: Urdaibaiko Galtzagorriak, Ekozain eta Euskal Herriko Hazien sarea.


437 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin