Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zirkuitoa zikloaren edizio berri batek hamar antzezlan taularatuko ditu Bilbon otsailean eta martxoan


2006-02-01 11:08

Antzezpenak urte osoan jarraituko dute dibukgazio programa honen beste atal batzuetan

BILBO, 1 (EUROPA PRESS)

Bilboko Udalaren Kultura eta Euskara Sailak antolatzen duen Zirkuitoa izeneko dibulgazio programa, formatu txikiko talde amateurrei zuzenduta dagoena, bihar osteguna, otsailak 2, hasiko da eta aurtengo edizioaren hiru zatietako lehenengoan hamar antzezlan taularatuko dira hiriburu bizkaitarreko hiru barruti ezberdinetan otsailean eta marrtxoan.

Antolatzaileen arabera, helburua antzerkia auzoetan zabaltzea litzateke eta ekimena finkatzen ari dela onartzen da hiriaren kultur programazioan, azken edizioan 3.500 ikusle izateraino alegia.

Bihartik hasita martxoaren 23ra arte, Otxarkoaga, Begoña eta San Frantziskoko auzo etxeek 10 muntaia hartuko dituzte. Ostegunero taularatuko dira arratsaldeko 19,30etik aurrera. Sarrera dohainik da eta emanaldi bakoitzaren aurretik barruti bakoitzeko elkarte eta talde batzuk hautatuko dira, emanaldi bakoitzaren sustapen lana egin dutenak. Aurten programatutako obra guztiak Bilbon sortu dituzte oso-osorik herriko taldeek eta ekimena gaur egun Bizkaiko hiriburuan dagoen antzerki amateurraren zirkuitu bakarra da.

Programazioan formatu txikiko obrak sartzen dira, bai gaztelaniaz bai euskaraz, nola testu originalenak hala egokitzapenenak. Obren edukiari erreparatuz gero, denetarik dago, baita genero antzerkia, irakurketa dramatizatuak eta komediak ere. Beraz, aurreko urteetan gertatu den legez, era askotako ikusleak izatea espero da. Udalak eginiko iritzi azterketen arabera, ikusleak normalean antzerkira joaten ez direnak dira, eta eskertzen dute halako ikuskizunak euren ingurura hurbiltzea.

Zirkuitoa aukera paregabea da sortzaile eta antzerki talde amateurrek euren lanak taularatu eta jendearen aurrean aurkezteko, antolatzaileen ustetan. Aldi berean, taldeei aukera ematen die gainerako konpainien lana ezagutzeko. Ekimena lehen udalak sustatzen zuen Kafe Antzerki ziklo batetik sortu zen, eta urtez urte hedatuz joan da, Hiriko hainbat barrutira iritsi arte. Bilbon sortutako proiektu eszenikoek programazio egonkorra izatea da ekimen horren beste helburu bat.

ANTZEZLANAK

Programazioa bihar hasiko da Otxarkoaga barrutiko udaltegian. Hermanos Bolinga konpainiak Puestos en libertad taularatuko du, bizitzaren alderdi basatiena bizi duten bi pertsonaiaren bizipen esperpentikoak kontatzen dituen lana. Ondoren, Encuentros emango dute, Larressistens konpainiaren hirugarren obra.

Gero, bata bestearen atzetik emango dira honako hauek: Y al fondo... el sol en el horizonte, Totum konpainiarena; La mujer cuerda, Leire Utxaren ikuskizuna; Una hora de radio, Pakidermorena; Cuadros insólitos, Cuerpo Escenak taularatua; Cicatrices de la memoria, Ikastola Teatroren eskutik; Hemendik aurrera biok bakarrik gaude lur zabal honetan, Lur Zabal taldearena; Nitología Igor de Quadraren lana; eta N World. Hipótesis sobre la división de las personalidades, Neverland Companyk prestatua. Horiek osatuko dute Zirkuitoaren V. Edizioaren programaren lehen zatia.

Zirkuitoa ekimenaren lehen zatiaren ondoren, bigarren atala apirila, maiatza eta ekainan izango da, eta azken zatiak iraila, urria, azaroa eta abendua hilabeteak hartzen ditu.


180 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin