Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zinema soziala izango da protagonista aste honetan Seguran, herriaren 750. urteurrena ospatzeko ekitaldien baitan


2006-10-31 13:12

DONOSTIA, 31 (EUROPA PRESS)

Segurako sorkuntzaren 750. urteurrena ospatzeko antolaturiko ekintzen artean, Zinemaldi Soziala antolatu dute aste honetan. Mugarik Gabe Gobernuz Kanpoko Erakundea izango da beste laguntzaile batzuekin batera indigenek egindako fikzio eta dokumentalak ikusteko aukera emango dutenak. Emanaldiak Kultur Etxean izango dira eta sarrera doan izango da, Segurako Udaleko iturriek gaur jakinarazi dutenez.

Horrela, ostegunean, 19,00etan hasita, Kinja iajaha (Egun bat herrixkan) dokumental brasildarra izango da ikusgai. Amazonian dauden Waimiri eta Atroari herrietako sei indiar beren familien eguneroko bizimoduaren berri ematen dute. Beren bizimodua eta naturarekin duten harreman sakona agertzen duten eszena intimoz beteriko dokumentala da.

Larunbatean, arratsaldeko 19,30etatik aurrera Johnny Greyeyes (Johnny Begigris) fikziozko pelikula kanadarra ikusi ahal izango da. Bere aita tiroka hil zutenetik, Johnnyk espetxean eman du ere bizitzaren zatirik handiena. Han familia berri bat egin du, barruan preso dagoen emakume bat ezagutu du (Lana) eta berarekin maitemindu da. Baina espetxetik kanpokoa zama handia bihurtu da emakumearentzat, bere familia zatitua berriro elkartzen saiatu denean. Ameriketako emakume indiarren arteko harremanen gaia landu den lehen aldia da pelikula hau.

Azkenik, igande arratsaldeko 19,00etatik aurrera Jokaerak aldatuz: ekitatea sortuz dokumental euskal-boliviarra izango da protagonista. Errealizadore indigenek Euskal Herrian filmatu duten dokumentala da, eta gizarteak gizonezkoekin erlazionatzen dituzten lanak egiten dituzten emakumeekin elkarrizketak biltzen ditu.


242 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin