Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zinebiklub egitarauak azken Zinebiko film onenen aukeraketa bat eskainiko du urteko lehen hiruhilekoan bihartik


2009-01-14 13:19

BILBO, 14 (EUROPA PRESS)

Bilboko Barrainkuako udaltegiak Zinebiklub film laburren programazioa eskainiko du bihartik aurrera. Euskal Herrian egindako lanak eta aurten 50. edizoa bete duen Bilboko Zinebi Zine Dokumental eta Film Laburren Nazioarteko Jaialdiaren azken edizioan lehian aurkeztutako lanak eskainiko dira.

Zinebiklubeko urteko lehen hiruhilekoaren programazioa Aste Santuaren bezperan amaituko da, apirilaren 2an, eta bitarte horretan, Barrainkuako emanaldien aretoan 11 saio izango dira 64 film ikusteko aukerarekin, guztiak Zinebiko azken edizoan aurkeztutakoak, antolatzaileek azaldu dutenez.

Mundu osoan egindako dokumentalak, fikziozko eta animazioazko lanak ikusi ahal izango dira: Ekialdeko Europakoak, Ipar Amerikakoak, Hego Amerikakoak, Asiakoak eta Ozeaniakoak, hala nola. Biharko lehenengo saioan bezala, euskal zinemagintzak beste monografiko bat izango du martxoaren 26an, eta apirilaren 2an espainiar zinamagintzaren monografikoarekin amaituko da programazioa.

Ikusi al izango diren 15 euskal film labur baino gehiagoren artean, Bilboko Jaialdian saritutako bi daude: Jon Garañoren FGM, Euskal Zinemagintza Sari Nagusia; eta Jon Garañok eta Raul Lopezek elkarrekin sinatutako fikziozko On the line laburra, Euskal Herriko Gidoigintza Profesionalen Elkarteak gidoi hoberenaren saria.

Saritutako bi lan hauekin batera Zinebiko epaimahaiak saritutako beste zazpi lan ikusi ahal izango dira: Les Paradis Perdues, Helier Cisternerena (Frantzia); AMare, Martina Amatirena (Erresuma Batua); One Goal, Sergi Agustirena (Espainia); Clean-Up, Sebastian Metzena (Alemania); Sagan Om den Lille Dockpojken, Johannes Nyhomena (Suedia), Buen Viaje, Guillermo Rocamorarena (Uruguai); eta Ghosts and Gravel Roads, Mike Rollorena (Kanada).

Ekimen honen bidez lortu nahi diren helburuen artean, nagusia Bilbon dagoen zinema eskaintza gehitzea da, ikus-entzunezko produkzio mota baten inguruko programazio egonkorra gaineratuz, film laburrak bezala bere azpiatal ezberdinekin: fikzioa, animazioa, dokumentalak, esperimentalak eta abar.

Bestalde, Zinebiklubek ikus-entzunezkoen arloko jarduera egonkor eta iraunkorra gehituko dio Bilboko Udaleko Kultura eta Hezkuntza Sailaren urteko programazioari. Aldi berean, Barrainkuako emanaldiek handitu egingo dute Zinebiren oihartzuna hiri barruan, jaialdiko ekitaldiak antolatzen diren egunetatik at.

Zinebiklub programako saioak ostegunero izango dira, 19:30etan, Barrainkuan eta dohainik. Zinema alternatiboaren aukeraketa bat eskainiko du zikloak, 100 eserlekuz eta Dolby sistemaz hornitutako aretoan.


319 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin