Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zigoitian hilketa saiakera hutsala egin zuen Portugaleteko gizonak harreman bikoitza zuen


2006-02-09 10:37

Krimenarekin egoera horri amaiera eman eta biktimaren dirua eskuratu nahi zuen

BILBO, 9 (EUROPA PRESS)

Zigoitian (Araba) emakume bat jipoitu eta zakarrontzira jaurtitzea leporatuta larunbatean atxilotutako Portugaleteko bizilagunak emakume birekin aldi berean zuen harremana bortizki hautsi eta biktimaren 18.000 euro eskuratu nahi izan zituen ekintza horren bidez.

Euskal Poliziaren arabera, atxilotuak unibertsitateko irakaslea zela sinetsarazi zion izatezko bikotekideari, berekin 20 urteko harremana zuen emakumeari. Brasilgo gazte batekin geroago hasitako harremanean, aldiz, enpresa bateko ingeniariaren itxurak egiten zituen. Egoera nahasgarri horri eusteko zailtasuna izanik, itxura denez, emakume bietako batez libratzea eta, bide batez, hark aurreztutako dirua eskuratzea erabaki zuen.

Hilketa saiakera argitzeko Ertzaintzak egindako ikerketa lanei esker jakin denez, ustezko hiltzaileak bi emakumerekin harremana zuen aldi berean, andreok jakin gabe. Bi emakumeotako bati (duela 20 urte hasi zuten harremana) unibertsitateko irakaslea zela sinetsarazi zion. Ondoren, beste harreman bat hasi zuen Brasilgo emakume gazte batekin, eta enpresa bateko ingeniari itxurak egiten zituen haren aurrean. Andreok ez zuten elkarren berri eta kanpoan maiz egotea laneko kontuengatik egin beharreko bidaiekin lotzen zituen gizonezkoak.

Biktimari ezkontzeko eskatu ondoren iruzurrari eutsi ezinak eta neskak emandako 18.000 euro bereganatzeko aukerak eraman omen zuten atxilotua Madrildik Euskal Herrira kotxez egindako bidaian gazte brasildarra hiltzeko ahalegina egitera. Jipoitu eta lepotik helduz gogor astindu zuen gaztea erasotzaileak, konorterik gabe utzi arte; ondoren, zakarrontzira jaurti zuen eta bertan utzita alde egin zuen gizonezkoak.

Handik gutxira, larunbatean bertan, Portugaleten zuen etxean atxilotu zuen Ertzaintzak gizonezkoa, hilketa saiakera egitea leporatuta. Behin epailearen esku utzi ostean, kartzelan sartu zuten.


296 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin