Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zientzia eta Teknologiaren V. Astea ospatuko da Bilbon azaroaren 8tik 11ra bitartean


2006-10-30 13:51

BILBO, 30 (EUROPA PRESS)

Jon Sanchez Bilboko Udaleko Kultura eta Euskara zinegotziak eta Miguel Angel Gutierrez Ortiz Euskal Herriko Unibertsitateko (EHU) Ikerkuntza errektoreordeak azaroaren 8tik 11ra bitartean Bilbon ospatuko den Zientzia eta Teknologiaren V. Astea aurkeztu dute gaur.

DNA, ardoaren kimika, elementu kimikoen mitologia eta artea edo berotze globalari buruzko hitzaldiekin batera --Manuel Toharia Valentziako Zientzietako Museoaren zuzendariak eta Jose Maria Asua Ikerkuntza Zientifikoko 2006ko Euskadi Sariak emango dituztenak--, pelikula eta dokumental zientifikoen emanaldiak, umeei zuzendutako esperimentuak edo Hielo y Fuego jai-ikuskizun eta antzerki zientifikoaren emanaldia izango dira.

Bilbon lehenengo aldiz izango den ekitaldi hau ospatzeko, antolatzaileek (Bilboko Udaleko Kultura eta Euskara Saila eta Euskal Herriko Unibertsitatea) Zientzia zure bizitzan izeneko karpa baten kokapena aurreikusi dute Arriaga Plazan. Karpa horretan EHUko fakultate ezberdinetako --Matematikak, Kimika, Fisika, Bioteknologia eta Geologia--, eta Euskalmet, ITP, Metro Bilbao eta Red Electrica Española bezalako beste erakunde eta instituzioetako hamar bat stand kokatuko dira.

Bertaratzen den publikoak hegazkinek nola hegaz egiten duten, hotzaren propietateak zeintzuk diren, Bilboko eraikinetan erdi estalirik dauden fosilak deskubritu, gurekin batera bizi diren mikroorganismoak ikertu eta ikusi, laserraren erabilgarritasuna aurkitu, fraktal bat eraiki, DNA ikusi eta eguneroko elementuetan ere zientzia eta ezusterako lekua dagoela ikusteko aukera izango du.

Zientzia eta Teknologiaren Astea 2002tik Europa mailan ospatzen den ekitaldia da, eta Europar Batzordeak sustatzen du Zientzia eta Gizartea Ekintza Planaren eta VI. Esparru-Programaren bidez. Zientzia eta Teknologiaren V. Astearen helburuak dira, antolatzaileen arabera, aurrerakuntza zientifikoak eta teknologikoak modu atsegin eta dibulgatzailean gizarteari hurbilarazi eta gazteenen artean zaletasun zientifikoak sustatu.

Zientziaren eta Teknologiaren V. Asteak zenbait erakustoki edo txoko izango ditu hiriburu bilbotarrean azaroaren 8tik 11ra bitartean, besteak beste, Kimikaren Txokoa, Meteorologiaren Erakustokia, Fisikaren Txokoa, Garraioaren Erakustokia, Bioteknologiaren Txokoa, Geologiaren Txokoa, Aeronautikaren Erakustokia eta Matematiken Txokoa.


96 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin