Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zegaman aurkitu dute joan den astelehenean desagertu zen Legazpiko mendizalearen gorpua


2006-09-28 12:59

BILBO, 28 (EUROPA PRESS)

Ertzaintzaren helikoptero batek Aizkorri gainetik hurbil aurkitu du gaur goizean, joan den astelehenean desagertu zen 33 urteko R.G.M. Legazpiko mendizalearen gorpua, bilaketa-lanak atzo hasi ondoren, Eusko Jaurlaritzako Herrizaingo Sailak jakinarazi duenez.

Zonaldera heltzea oso zaila zenez, Ertzaintzaren helikopteroak erreskatatu behar izan du mendizalearen gorpua. Ondoren, Donostiako Patologia Forentsearen Zerbitzura eraman dute, epailearen aginduz.

Legazpiko mendizalearen gorpua goizeko 10,30etan aurkitu dute, eta, topatu eta gero, helikopteroak Arantzazuko Santutegiko aparkalekura eraman du gorpua. Biktimaren autoa atzo aurkitu zuten aparkaleku horretan, eta handik hasi zituzten bilaketa-lanak.

Ertzaintzaren Brigada Mugikorreko erreskaterako unitateak eta Txakur Unitateak, DYA eta Gurutze Gorriko langileek, Gipuzkoako Foru Aldundiak eta senideek eta adiskideek egin dute lan mendizale legazpiarra bilatzeko, Eusko Jaurlaritzako Larrialdiak Artatzeko teknikari batek koordinatuta. Bilaketa-lanak atzo arratsaldean hasi ziren, biktimaren autoa aurkitu eta gero.

Mendizalearen senideek joan den astelehenean salatu zuten bere desagerpena. Bestalde, Ertzaintzak ikerketa hasi du bere heriotzaren arrazoiak eta nondik norakoak argitzeko.


185 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin