Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zebra-muskuiluak ez du oraingoz Euskal Autonomia Erkidegoan zabaltzerik lortu, eginiko kontrolen arabera


2009-01-23 11:10

BILBO, 23 (EUROPA PRESS)

Administrazio ezberdinek zebra-muskuiluaren izurria euskal ibaietara hedatu ez dadin hartutako neurriek orain arte emaitza onak eman dituztela dirudi, URA Uraren Euskal Agentziatik prentsa ohar baten bidez adierazi dutenez.

Administrazio hidrauliko guztiak barneratzen dituen zebra-muskuiluaren Batzordea Gasteizen bildu da eta txosten teknikoak baloratu ditu. Hauen arabera, Ebron ezik, Euskal Autonomia Erkidegotik (EAE) igarotzen diren ibaietan ez da espezie inbaditzaile honen presentzia antzeman.

Orain arte egin diren hiru kanpainatan zehar EAEko arro guztietan zehar banatuta dauden 50 kontrol estazioetan eginiko azterketetatik 48k emaitza negatiboak izan ditu. Ullibarriko urtegiko hiru kontrol puntuetatik bitan bakarrik antzeman da larben presentzia; bietan, larbaren presentzia oso txikia da, litro bakoitzeko 0,05 larbako balioaren azpitik alegia.

2008ko uztailean, zebra-muskuilu larben (Dreissena polymorpha) presentzia antzeman zen Ullibarriko urtegian. EAEko gainerako ur masetara hedatzeko zegoen arriskua zela eta, zebra-muskuiluaren Batzordeak neurri multzo bat hartu zuen larba horien hedapena ekiditeko. Ontziak eta urtegian erabiltzen ziren makina hidraulikoak konfinatzea erabaki zen eta erabiltzaileei sandaliak, mangitoak, kuboak, etabar desinfektatu zitzaten gomendatu zitzaien.

Era berean, kontrol estazioen kopurua handitzea adostu zen EAEko 39 ur masetan zebra-muskuiluaren balizko presentzia antzeman ahal izateko.

BATZORDEA

URA agentziak koordinatutako zebra-muskuiluaren Batzordean Eusko Jaurlaritzako Ingurumen, Nekazaritza eta Arrantza eta Osasun sailek, Ebroko eta Kantabrikoko konfederazio hidrografikoek, foru aldundiek, ur partzuergo nagusiek eta Iberdrolak parte hartzen dute.

Batzordeak udaberria eta udari begira kontrolerako neurriekin jarraitzea adostu du, garai horretan urak duen tenperaturak zebra-muskuiluaren ugalketa eta hedapena errazten duelako. Maiatzan, EAEko ubideetan zebra-muskuilu larbak edo muskuilu helduen balizko presentzia kontrolatzeko kanpaina berriz hartuko da.

Batzordearen helburuetako bat Ullibarrin antzeman diren muskuilu larbak handik gertu aurkitzen den eta Arratiara ibairatzen duen Urrunagako urtegira iritsi ez daitezen da. Izan ere, honek kantauriar arroetako ubideak kutsatzeko arrisku handiagoa aurkezten du. Hori dela eta, baimendu gabeko eremuetan urtegira ez iristeko neurriak handitu egingo dira eta eremu horretan arrantza kontrolatzeko neurriak aztertzen ari dira.

Administrazio ezberdinak informazioa eskaintzen ari dira euren web-orrietan eta hauen bidez adituekin harremanetan jartzeko aukera eskaintzen dute gaiarekin lotura duten edozein zalantza argitzeko. Gainera, ikasle eta urtegietako erabiltzaileen artean dibulgazio kanpainak egitea aurreikusten da.

Bestalde, ikerketak egiten ari dira Ebro alboan kokatuta dauden ureztatze sistemetan izurriari aurre egiteko modu onenak finkatu asmoz eta ibai eta urtegietako erabiltzaileek erabili ohi dituzten materialen artean, zebra-muskuilu larbak kutsatzeko aukera gehien eskaintzen dituztenak zein diren determinatzeko.

Gaian inplikatuta dauden admnistrazioak kontziente dira espezie inbaditzaile hau azkenik kantauriar arroetara iritsi ez dadin lortzeak duen zailtasunaz eta berauen ahalegina etorrera hori ahalik eta gehien atzeratzea da eta bitartean, sistema hidraulikoetan eragiten dituzten kalteak murrizteko neurriak hartzea edota, teknika biologiko berritzaileen bidez, hedapena murriztea.


259 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin