Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zazpi film laburrek hartuko dute parte Eusko Jaurlaritzako Kultura Sailaren Kimuak 2006 egitasmoan


2006-08-03 16:22

DONOSTIA, 3 (EUROPA PRESS)

Eusko Jaurlaritzako Kultura Sailak eta Euskal Filmotekak antolatzen duten Kimuak programaren bederatzigarren edizioak zazpi film labur aukeratu ditu aurtengo deialdira aurkezturiko 41 filmetatik, ekimenaren sustatzaileek prentsa-ohar bidez gaur iragarri dutenez.

Epaimahaia ikus-entzunezkoen bost profesional ezagunek osatu dute: Peio Aldazabal Euskal Filmotekako zuzendaria, Txabi Basterretxea (Eusko Jaurlaritza), Aritz Galarza (ETB), Lucia Olaziregi (Donostia Kultura) eta Jose Luis Rebordinos (Donostiako Zinemaldia).

Euskal Filmotekak kudeatzen duen Eusko Jaurlaritzaren Kimuak egitasmoa mundu osko jaialdi, telebista eta instituzioetan ari da parte hartzen, sendotuta dagoen ospearekin.

Aurtengo deialdian aukeraturiko film laburrak ondokoak dira: Alberto Gonzalezek zuzendu eta Arsenico Produccionesek ekoitziriko Cirugia animaziozko lana; Luiso Berdejo donostiarrak zuzendu eta ekoitziriko For(r)est in the Des(s)ert; Ione Hernandez donostiarrak zuzendu eta ekoitziriko Juego; Gabe Ibañezek zuzendu eta Aprieta Fuertek ekoitziriko Maquina; Koldo Almandoz donostiarrak zuzendu eta MK Filmakek ekoitziriko Midori; David Gonzalez bizkaitarrak zuzendu eta ekoitziriko El relevo; eta Asier Altuna bergararrak zuzendu eta Alokatu, S.L.-k ekoitziriko Sarean.

Film labur hauek datorren irailean hasiko dute ibilbidea; izan ere, Eusko Jaurlaritzatik adierazi dutenez, katalogoa prest egongo da Donostiako Nazioarteko Zinemaldirako, nahiz eta batzuk (Cirugia, Juego eta Sarean) hartu duten parte eta sarituak izan diren jada zenbait jaialditan.

Kimuak programaren baitan, film labur hauek mundu osoko 500dik gora jaialditara bidaliko dira, nazioarteko merkatu garrantzitsuenetan izatea ziurtatuz (Clermont-Ferrand, Los Angeles, Valentzia). Halaber, nazioarteko agente eta erakunde esanguratsuenetara ere helduko dira.


299 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin