Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zarauzko Liburu eta Disko azokak balantze positiboarekin itxi ditu ateak


2006-08-30 14:36

DONOSTIA, 30 (EUROPA PRESS)

Zarauzko Liburu eta Disko Azoka aste bukaera honetan amaitu da jendearen harrerari eta liburu salmentari dagokionez balantze positibo batekin. Euskadiko Liburu Azoken Batzordeak adierazi duenez, lortu diren emaitzek erakusten dute azoka zarauztarrak azken urteetan erdietsiriko oinarria.

Zarauzko Udalak komunikatu abtean argitu duenez, salmenten datuak orain arte antolatu diren azokekin bat egiten dute. Euskaraz gehien salduriko tituluak Karmele Jaio gasteiztarraren Amaren eskuak, J.M. Irigoienen Comunista.com, Bernardo Atxagaren Soinujolearen semea, Joseba Sarrionaindiaren Akordatzen eta Jon Arretxeren Griot izan dira.

Gazteleraz aldiz, gehien eskaturikoak Ildefonso Falconesen La Catedral del Mar, Toti Martinez de Lezearen Brujas, Dan Brownen La Conspiración eta El código Da Vinci, Julia Navarroren La Biblia de Barro eta Madohuren Las siete Iglesias izan dira.

Poesia sailean Txalaparta editorialak eta Kepa Murua zarauztarrak aurkezturiko liburuek aipamen berezia merezi dute, Euskadiko Editoreen Elkarteak eta Gipuzkoako Foru Aldundiak argitaraturikoak bezalaxe. Gaztetxoenek Harry Potterren abenturak, J.J.R. Tolkienen Eraztunen Jaunaren trilogia eta Xaguzahar bildumakoak izan dituzte gogokoen besteak beste.

Era berean, euskal talde eta bakarlarien diskorik salduenak Benito Lertxundi, Mikel Laboa, Oskorri, Ken Zazpi, Gatibu eta Ruper Ordorikaren azken lanak izan dira.

Edizio honetan, Zarauzko Munoan abuztuaren 18tik abuztuaren 27ra bitartean, argitaletxe, banatzaile eta liburu saltzaileen artean guztira 24 erakuslek parte hartu dute Euskadiko Liburu Azoken Batzordearen antolakuntzari esker, Eusko Jaurlaritzako Kultura Sailaren, Zarauzko Udaleko Kultura sailaren eta Euskadiko Liburu Ganbararen laguntzarekin batera.

Hurrengo hitzordua Donostian izango da antzinako eta aukerako Liburu Azokan.


298 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin