Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zallako taberna batean lapurtu eta ihesi zihoala autoarekin istripua izan duten bi gizon atxilotu dituzte Bilbon


2009-02-11 16:55

BILBO, 11 (EUROPA PRESS)

Ertzaintzaren agenteek bi gizonezko atxilotu dituzte gaur goizaldean Bilbon, Zallako (Bizkaia) taberna batean lapurtzea leporatuta. Ustezko lapurrek auto batean ihes egin dute ostalaritza lokalean ostu ostean, baina patruila batek atzeman eta hiru susmagarrietako bi atxilotu ditu. Ustezko lapurren ibilgailuak istripua izan du polizia autoa atzetik zuela, hainbat semaforo gorri zeudenean pasatu eta kontrako norabidean joan ostean.

Herrizaingo Sailaren arabera, lapurreta 2:00etan jazo da Zallako taberna batean. Lokalaren jabeak Ertzaintza ohartarazi du, hiru gizonezko tabernan sartu zirelako eta, jolasteko hainbat makina eta kutxa erregistratzailea indarrez ireki ostean, Bilborako noranzkoan ihes egin zutelako.

Lapurretaren berri izan bezain laster, Ertzaintzaren hainbat patruila susmagarrien autoa bilatzen hasi dira eta, denbora apur bat geroago aurkitu dute Alonsotegin. Autoa abiadura handiz zihoan eta hainbat semaforo gorri zeudela pasatu ditu. Agenteek ibilgailuari atzetik segitu eta geldiarazteko agindu diote gidariari, baina honek ez du jaramonik egin eta azeleratu du.

Bilboko Hegoaldeko Saihesbidearen eraikitze lanen parean, semaforo bat gorri zegoela pasatu ostean, hiru susmagarrien autoak zaborra biltzeko bi kamioirekin topo egin du aurrez aurre eta galtzadatik irten egin da. Istripua izan ostean, bidaiarietako bat korrika irten da autotik eta agenteek beste biak atxilotu dituzte, lekukoak eskainitako ustezko lapurren ezaugarri fisikoekin bat egiten baitzuten. Auto barruan txanpon ugari, hainbat bihurkin, giltza ingeles bat, ahuntz-hanka bat eta beste tresna batzuk aurkitu dituzte.

Atxilotuak (23 eta 28 urte bitartekoak) polizia egoitza batera eraman dituzte dagozkien eginbideak burutzeko, eta datozen orduotan epailearen esku jarriko dituzte. Ertzaintzak ikertzen jarraitzen du gertaeretan nahasita dagoen beste gizonezkoa aurkitu eta atxilotzeko.


547 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin