Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Zabalik da Getxoko (Bizkaia) Dendaketan eta AISA euskara ikastaroetan izena emateko epea


2009-01-29 12:21

BILBO, 29 (EUROPA PRESS)

Getxoko Udaleko (Bizkaia) Euskara Zerbitzuak bultzatutako Dendaketan eta AISA euskara ikastaro berrietarako izen-emateak datorren otsailaren 16ra arte egongo dira zabalik, urrian hasi zirenen inguruko balantzea oso positiboa izan ondoren.

Bezeroak euskaraz artatzen ikasteko ikastaro laburra da Dendaketan izenekoa, Getxoko dendetan eta ostalaritzan lan egiten ari direnentzat eta baita lan egin nahi izango luketenentzat ere. Urrian hasi zen taldean Algortako 15 lagunek hartu dute parte eta orain, nahi izatekotan, jarraitzeko aukera edukiko dute.

Bestalde, orduan bere nahia agertu zuten baina kopuru nahikorik ez izateagatik taldea osatu ezin zuten Erromo-Areetako merkatarirekin ikastaroa martxan jartzen saiatuko da eta beste berri bat ere. Iaz talde bat izan zen hamar merkatarirekin.

Ikastaroa astean bi egunetan izango da hiru orduko klaseekin. Bere prezioa 50 eurokoa da eta ikastaroa amaitzen dutenei 25 euro bueltatuko dizkiete eta diploma eta materiala opatu ere.

Bestalde, etorkinek hemengo ohiturak eta euskara ikasten lehenengo pausuak emateko Getxoko Udalak urrian martxan jarritako AISA ikastaroak eduki duen harrera ona ikusita, matrikula egiteko epea zabaldu du. Alde batetik, orduan tokirik gabe geratu ziren 22 laguni aukera emango die euskara ikasten hasteko, eta bestetik, orain interesa dutenek ere izena eman ahal izango dute. Urrian hiru talde jarri ziren martxan, 46 bat ikaslerekin, eta horietatik gutxienez talde batek segituko du, beste 60 klase-ordu egiteko.

AISA programaren balantzea oso positibotzat jotzen dute bultzatzaileek, Getxo baita EAEn talde eta ikasle gehien dituen herria. 2005ean jarri zen martxan udalerrian eta ordutik hona 19 ikas-talde izan dira eta horietan 271 etorkin aritu dira euskarara hurbiltzeko klaseak jasotzen eta gainera hiru taldek jarraipena eskatu dute.

Getxoko AISA-ko taldeetan parte hartzen duten gehienak gazteak dira, %65a emakumea eta Boliviakoak eta Kolonbiakoak nagusiki. Guztira 33 jatorri desberdinetakoak dira, hala nola Errumaniakoak, Suediakoak, Greziakoak, Amerikako Estatu Batuetakoak, Alemaniakoak edo Marokokoak.

AISA ikastaroa astean bi egunetan izaten da, lau klase-ordurekin; guztira 60 ordu. Prezioa hamar eurokoa da eta gainditzen dutenei dirua itzultzen zaie eta diploma eta hiztegi bat eman ere. Bai Dendaketan bai AISA ikastaro berriak datorren martxoaren 2an hasiko dira.


318 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin