Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Xabier Letek poesia errezitaldia eskainiko du otsailaren 10ean Bilboko Kafe Antzokian, Joxan Goikoetxearen musikarekin


2009-02-05 13:59

BILBO, 5 (EUROPA PRESS)

Xabier Letek Egunsentiaren esku izoztuak liburuko poesia irakurraldi berezia eskainiko du otsailaren 10ean Bilboko Kafe Antzokian, Joxan Goikoetxearen musikak lagunduta. Emanaldia 20:00etan hasiko da eta eserita izango da.

Areto bilbotarreko arduradunek gaur jakinarazi dutenez, sarrera gonbidapen bidez izango da, eta Kafe Antzokian bertan, Gabriel Aresti euskaltegian eta info@kafeantzokia.com helbidera idatzita lortu daitezke.

Xabier Letek, euskal poesiagintza eta kantagintzan ukaezinezko erreferente (18 disko denetara eta bost poesia liburu argitaraturik, lehenengoa 1968an), 15 urte poesiarik argitaratu gabe egon ondoren berriki Egunsentiaren esku izoztuak poema liburua plazaratu du.

Bertan, azken urteetako bizi-esperientzien gogoeta egin du, iragan ederrarekiko miresmena, maitasunaren gauzaguneak, xamurtasuna, oinazea, heriotza eta berraurkikuntzaren ametsa elkarri lotuz berak ondu ohi duen goi mailako poetikan.

Xabier Leteren aurreneko aldia izango da Kafe Antzokian; ekitaldia, beraz, bertako zenbait poemaren irakurraldi intentso, indartsu eta sentituaz gozatzeko aukera izango da. Joxan Goikoetxeak tarte musikalekin lagunduko dio.


435 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin