Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-UZEIren Euskalterm hitz gordailuak bost hiztegi berri integratu ditu, mila kontzeptu berri baino gehiago eskeiniz


2006-09-04 10:57

BILBO, 4 (EUROPA PRESS)

UZEI Terminologia eta Lexikografia Zentroak bere Euskalterm Terminologia Banku Publikoaren gordailua hazi egin du berriki, bost hiztegi berrirekin. Internet bidez Euskaltermen kontsultak egiten dituztenek mila kontzeptu berri baino gehiago izango dituzte horrenbestez eskura.

Erabili.com webgunearen arabera, Euskaltermen integratu berri diren bi hiztegi Automobilen mantentze-hiztegia (250 kontzeptu eta 50 definizio sailkatuak lau hizkuntzetan: euskara, gaztelania, frantsesa eta ingelesa) eta Burdindegiko hiztegia (guztira 165 kontzeptu landu dira eta kontzeptu horietatik 20 euskaraz definituta eskaini dira lau hizkuntzetan baita) dira.

Norberaren Irudia, Ile-apaindegiak eta Estetika hiztegia (352 kontzeptu biltzen ditu, eta horietatik 100 definituta daude), Arropa-denden hiztegia (153 kontzeptu jasotzen ditu, eta 44 definizio), Oinetakoen hiztegia (guztira, 159 kontzeptu eta 44 definizio biltzen dira hiztegi honetan) dira beste hirurak.

UZEI Terminologia eta Lexikografia Zentroak sortu zuen Euskalterm Terminologia Bankua 1987an, ordura arte egindako hiztegi guztietako fitxa terminologikoak bateratuz. Geroztik gaur arte UZEIk egin dituen gainerako hiztegi guztiak ere han integratu dira.

Terminologiaren zabalkundea bultzatu zuen UZEIk Bankua sortu bezain laster, teknologia berrien bidez: lehenik Minitel sisteman (1987), geroago Bideotex (1991) eta VT-100 terminalekin, eta azkenik Interneteko sarean. Alde horretatik, terminologiaren zabalkundea eta erabilera betidanik izan da UZEIren kezka.

Euskalterm Terminologia Banku Publiko bihurtu zen 2001ean, UZEIren eta Eusko Jaurlaritzaren arteko hitzarmen baten ondorioz. Banku hau eguneratzeko eta elikatzeko lanak UZEIk egiten ditu, Euskaltzaindiaren arauen arabera eta normalizazio-batzordeetan hartutako erabakien arabera.

Informazio gehiago Azpeitiako Euskara Patronatuaren www.erabili.com helbidean edota Eusko Jaurlaritzaren www.euskadi.net helbideko Euskalltermen sailean.


223 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin