Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Urtarrilean 9.456 langabetu gehiago zeuden Euskadin, %9,4 gehiago, eta dagoeneko 110.000 langabetu baino gehiago daude


2009-02-03 10:56

BILBO, 3 (EUROPA PRESS)

Urtarrilean 9.456 langabetu gehiago zenbatu ziren Euskal Autonomia Erkidegoan (EAE), 2008ko abenduan baino %9,4 gehiago, eta dagoeneko 110.093 langabetu daude, Espainiako Lan eta Immigrazio Ministerioak gaur emandako datuen arabera.

Halaber, 2009ko urtarrila 2008koarekin alderatzen bada, Euskal Autonomia Erkidegoan 28.700 langabetu gehiago zenbatu ziren, hau da, %35,26ko igoera.

Urtarrilean zenbaturiko langabetu berri gehienak Bizkaikoak izan ziren, 4.744 guztira (%8,54 gehiago); ondoren Gipuzkoakoak kokatu ziren, 3.011 langabetu gehiagorekin (%10,02), eta azkenik Arabakoak, 1.701 langabetu gehiagorekin (%11,33).

Urte arteko epea aztertzen bada (2009ko urtarrila 2008ko urtarrilarekin alderatuta), Bizkaian 15.571 langabetu berri zenbatu ziren (%34,8 gehiago); Gipuzkoan, 7.968 (%31,74); eta Araban, 5.161 (%44,69).

Joan den urtarrila bukatzean, Euskadin 52.911 gizonezko zeuden langabezian, emakumezkoak 57.182 ziren bitartean. 25 urtetik beherako langabetuak 10.737 ziren, eta horietatik 6.696 gizonezkoak eta 4.041 emakumezkoak, gainontzekoek (99.356) adin hori gainditzen zuten bitartean.

SEKTOREAK

Sektoreen artean, Zerbitzuetan igo zen gehien langabezia, 6.851 langabetu gehiago zenbatu baitziren; ondoren kokatu ziren Industria (2.154 langabetu gehiago), Aurreko enplegurik gabeko kolektiboa (314), Nekazaritza (75) eta Eraikuntza (61).

Aldaketa horiekin, Zerbitzuen sektorean 68.307 langabetu zeuden urtarrila bukatzean, Industrian 21.053, Eraikuntzan 12.602, Aurreko enplegurik gabeko kolektiboan 5.914 eta Nekazaritzan 1.187.

Urtarrilean 53.454 zenbatu ziren, aurreko hilean baino 2.922 gutxiago (%-5,18). 2008ko urtarrilarekin alderatuta, kontratuen kopurua %31,51 jaitsi zen, 24.686 gutxiago egin baitziren. Kontratu guztietatik 5.033 mugagabeak izan ziren eta 48.421 aldi baterakoak.


285 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin