Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Urruntze-agindua urratzeagatik atxilotu dute Bilbon 29 urteko gizonezko bat


2006-02-13 16:47



BILBO, 13 (EUROPA PRESS)

Bilboko Ertzainetxeko agenteek lagun bat atxilotu zuten atzo gauean, kautela-neurri bat urratzea egotzita. Urruntze-agindu bat bete gabe, bikotekide ohia zegoen taberna batera sartu zen; han, emakumeari eraso zion eta irainak egin zizkion.

Ertzaintzak bidalitako ohar baten arabera, gertaerak atzo gauean jazo ziren, 22,00ak aldera, Bizkaiko hiriburuan. Ordu horretan, Bailen kalera joan zen Ertzaintzaren patruila bat, bikote bat eztabaidan ari zelako han.

Agenteak bertaratu zirenean, eztabaidan ari ziren emakumezko bat eta gizonezko bat ikusi zituzten. Biak banandu zituztenean, andreak masailak gorrituta eta sudurrean marka gorriak zituela ikusi zuten ertzainek.

Taberna batean zegoela bikotekide ohia (urruntze-agindua zuen) sartu zela esan zien biktimak ertzainei, eta erasoan eta iraintzen hasi zitzaiola. Emakumea tabernatik irten zen egoera hori ekiditeko, baina bikotekide ohia atzetik atera zen eta eztabaidan hasi ziren; orduan iritsi zen Ertzaintza lekura.

Aurpegian zituen marken inguruan galdetu zioten agenteek andreari, eta ez zuela erasorik jasan erantzun zien. Jarraian, urruntze-agindua indarrean zegoela egiaztatu zuten agenteek, eta, beraz, R.F.F.C. Bilboko 29 urteko bizilaguna atzeman zuten, kautela-neurria urratzea leporatuta.


313 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin