Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Urriko kanpaina berezian 106.000 ibilgailuren abiadura kontrolatu du Ertzaintzak eta 4.021 gidari salatu ditu


2006-10-20 13:34

BILBO, 20 (EUROPA PRESS)

Radar mugikorren bidez 106.628 ibilgailuren abiadura kontrolatu du Ertzaintzak urriaren lehen hamabostaldian Euskal Autonomia Erkidegoko errepideetan egin duen kanpainan. Horietako 4.021 gidariren kontra salaketa jarri dute, baimendutako abiadura gainditzearren, Eusko Jaurlaritzako Herrizaingo Sailak gaur jakinarazi duenez.

Ertzaintzak abiadura kontrolatzeko kanpaina egin du EAEko errepideetan urriaren 2tik 15era bitartean. Euskadiko Bide Segurtasunaren 2003-2006 Plan Estrategikoaren baitan dago ekimena eta errepideetan hilkortasun tasa %20 jaistea du helburu nagusi.

Esan bezala, kanpaina abian izan den bi asteetan, 106.628 ibilgailu kontrolatu ditu radar mugikorren bidez Ertzaintzak, eta 4.021 gidariren kontra (guztien %3,77) salaketa jarri du, ezarritako abiadura-mugak gainditzearren.

Lurraldeka, Araban 17.397 ibilgailuren abiadura kontrolatu du Ertzaintzak, eta 545 (%3,13) abiadura-mugak ez errespetatzearren salatu dituzte; Bizkaian, 53.308 ibilgailu kontrolatu eta 2.532 (%4,74) salatu dituzte; Gipuzkoan, berriz, kontrolatutako 35.923 ibilgailuetatik 944 (%2,62) harrapatu dituzte abiadura ez egokian.

Jarritako salaketen artean, Ertzaintzak nabarmendu du 60 km/o-ko gehienezko abiadura duen Bizkaiko errepide-zati batean 150 km/o-ko abiaduran zihoan motor-gidari baten kasua. Hori dela eta, 550 euroko isuna jarri eta zirkulazioaren segurtasunaren kontrako delitua egotzi zioten.

Aipatu duen beste kasu batean, hau ere Bizkaian, autobus pribatu bateko gidariari salaketa jarri zioten 70 km/o-ra mugatutako errepide-zati batean 83 km/o-tan joateagatik. Kontrola egin ziotenean, 60 bidaiari zihoazen ibilgailuan. Gainera, alkoholemiagatik ere salatu zuten gidaria, 0,25 mg/l-ko alkohol-tasa baitzeukan botatako airean, eta baimendutako gehiengoa 0,15 mg/l-koa da.

Gainera, kontrolatutako ibilgailuetako batean, radarrak detektatzeko gailu ilegal bat atzeman zuten agenteek; hori dela eta, dagokion salaketa jarri ondoren, bi puntu kenduko dizkiote jabeari.

Mota honetako kanpainen bidez, zirkulazioaren arazo zehatz batzuren aurrean (gehiegizko abiadura, esaterako) gidariak kontzientziatu nahi ditu Herrizaingo Sailak. Kanpaina honetan, Euskadiko hiru hiriburuetako eta zenbait udalerritako udaltzaingoek parte hartu dute. Gainera, gehienezko abiadura gainditzearen eraginez sor daitezkeen ondorio larrien inguruan kontzientziatzeko mezu gehiago bidaliko dituzte.


82 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin