Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Urdailean 21 haxix bola zituela atxilotu du Ertzaintzak Mendaron 21 urteko gazte bat


2006-09-13 16:43

Atxilotuari ebakuntza kirurgikoa egin behar izan diote droga ateratzeko

DONOSTIA, 13 (EUROPA PRESS)

Eibarko Ertzainetxeko agenteek K.E.H. (21 urteko gizonezkoa) atxilotu dute gaur goizaldean, osasun publikoaren kontrako delitu bat egotzita. Gazte horrek berrehun gramo haxix zeramatzan urdailean, ezkur baten neurriko hogeita bat bilgarritan.

Euskal Poliziaren arabera, gaur gaueko 00,15etan Ertzaintzak Eibarko Guardiako Epaitegiaren deia jaso du, Mendaroko Ospitaleko Larrialdietako Zerbitzuan gazte bat artatu dutela jakinarazteko; urdailean substantzia estupefazienteak zituela uste zuten.

Bertara heldutakoan, agenteek K.E.H. identifikatu eta atxilotu dute, droga trafikoaren delitua egotzita. Gazteari ebakuntza kirurgikoa egin behar izan diote goizaldean, urdailetik marroi koloreko substantzia prentsatua (200 gramo haxix, antza denez) ateratzeko.

Droga plastikoz bildutako 21 bolatan zegoen, ezkur bat baino pixka bat handiagoak ziren zatitan, eta atxilotuak ezin izan zituen bere kabuz atera.

Atxilotua ospitalean dago oraingoz, Ertzaintzaren zaintzapean, beharrezko izapideak bukatu eta epailearen esku uzteko zain.


243 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin